Torrat Cabudanne de sos poetas. Dae su 23 de austu a su 5 de cabudanni Sèneghe at a acasagiare sa de deghessete editziones de su fèstival de poesia intra de sos prus de importu in su panorama natzionale.

Un’editzione chi s’assòtziu chi la cuncordat dèdicat, cun un’addòbiu de dovere, a Franco Loi, su grandu poeta, iscritore, amigu e tzitadinu onoràriu de Sèneghe dae su 2010, mortu ocannu in ghennàrgiu cando fiat acanta de arribare a norantunu annos.

Ocannu puru su fèstival s’at a fàghere in unu logu ebbia: su frutedu de Sa prentza de Murone, de sa famìllia Gallus. In cue s’ant a fàghere totu is addòbios francu s’addòbiu de serrada chi s’at a fàghere in su “Cungiadu de su Suèrgiu”. Su 23 e su 31 de austu, imbetzes, sos duos addòbios s’ant a fàghere in sa “Domo de sa poesia”.

Ant a èssere unos chimbanta sos òspites intra de poetas, istòricos, sonadores, artistas e giornalistas, chi s’ant a intreverare in sas sete dies de su fèstival, cun sas duas anteprimas de su 23 e de su 31 de austu e, de sighidu, dae s’1 a su 5 de cabudanni. Cabudanne de sos poetas abarrat fidele a s’idea sua de cuncàmbia culturale e de esperièntzias, e non poèticas e literàrias ebbia, custa borta intra de sa Sardigna e “Unu mundu benidore”, su tìtulu de custa editzione.

Sas illustratziones de Cabudanne de sos poetas las at a contivigiare ocannu puru su pintore seneghesu Nicola Lo Piccolo.

Cabudanne de sos poetas at a agiudare cun sos poetas e sas poetas sa campànnia de bonucoro “PRO SU MONTIFERRU” in favore de sas populatziones chi ant tentu dannu dae su fogu dannàrgiu at brusiadu una parte manna de su Monteferru e de sa Pianalza.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22