© ufficio stampa

Su Cada Die Teatro presentat s’editzione noa de su Fèstival de sos Tacos chi s’at a fàghere in Jersu dae su 3 a su 10 de austu: “Semus unu pagheddu macos e tando amus leadu su determinu de illonghiare sa rassigna de tres dies cunforma a ocannu passadu. Mancari sa pandemia apat interessadu a manera grae fintzas su mundu de sa cultura, seu cumbintu chi pro pòdere propassare custu istorbu depimus aunire sas fortzas. Nemos si sarvat a sa sola.

Tenimus su dovere polìticu e culturale de fàghere sa parte nostra pro agiudare sa comunidade chi dae annos meda nos acasàgiat e nos agiudat.

Su de atzùnghere àteras dies a su fèstival cheret nàrrere a interessare prus cumpangias e a fàghere traballare de prus sas istruturas e sas persones de custa cussòrgia. In custas situatziones s’impinnu depet èssere prus mannu, non nos podimus permìtere de nos acuntentare”, at naradu su diretore artìsticu Giancarlo Biffi in sa cunferèntzia pro sos òrganos de informu de chenàbura 21 de maju.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22