© ufficio stampa

Sunt abertas sas iscritziones a su “Giro Autunno in Barbagia”, atòbiu virtuale in programma giòbia s’8 de abrile, promòvidu dae s’Assessoradu a su Turismu de sa Regione Autònoma de sa Sarigna , dae sa Càmera de Cummèrtziu de Nùgoro e dae ASPEN. Est una pedalada virtuale in una de sas realidades ambientales, istòricas e culturales prus bellas e ispantosas de Sardigna. Sa Virtual Race at a èssere in unu percursu “Real Life” video di 30 chilòmetros. Si partit dae Nùgoro e si lompet in s’istrada SP 58 finas a sa bidda de Orgòsolo. Sa pedalada subra de sos rullos sighit in sa SP 22 finas a Mamujada. Su 2020 at a èssere ammentadu comente s’annu de su boom de s’isport indoor gràtzias a sa tecnologia, chi cunsentit de bìvere esperièntzias realìsticas acapiadas a sas passiones comente su tziclismu.

Custa prima virtual race est unu progetu nàschidu cun sa punna de fàghere nàschere unu format digitale ùnicu pro fàghere a manera chi unu cras si potzat pigare parte a unu tour reale de sa Sardigna in sos matessi territòrios.

Custa disciplina non est fata in logu de cussa reale, ma dda cumpletat permitende a sos apassionados de non calare mai dae sedda. Virtuale e reale sunt pilastros de su matessi modellu de neverending cycling e una leva de promotzione turistica de importu.

S’ iscritzione a sa gara est pro de badas gràtzias a Rouvy, situ de virtual training chi torrat a manera fidele totu sos tretos de su mundu. Pro pigare parte a s’atòbiu at a tocare a si registrare in su situ ENDU. S’impreu de su rullu e de s’aplicatzione Rouvy est sìùnica manera pro pigare parte a su tour.

Est possìbile finas a pigare parte solu pro castiare sena de rullos e sensores.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Organizzazione

Sito Web