Sighint in sos giardinos de Villa de Villa in Patiolla sos apuntamentos cun su primu ispetàculu de istajone de sa cumpangia Salto del Delfino: cras (mèrcuris 2 de làmpadas) e giòbia 3 (pro custu apuntamentu non b’at prus logu) in iscena b’at a èssere “Ulisse contras de Pinocchio”, unu produsimentu nou cun s’atore e regista Nicola Michele. S’òpera naschet dae s’iscritu originale de Michele, chi sa pinna sua ponet a pare duas figuras istravanadas a intro de sa cobertàntzia de su biàgiu, aunende sa paristòria greca cun su connotu de sas paristòrias italianas. Sa punna est cussa de fàghere a manera de acumpangiare a s’ispetadore in s’identificatzione cun sas esperièntzias de Ulisse e de Pinocchio, pro chi su biàgiu si potzat carrigare de s’esperièntzia noa fata a manera non previdìbile in su caminu. Un’atentu in contu de su èssere fìgios e in contu de su rolu de sos babbos: sa chirca pare-pare intra de Geppetto e Pinocchio e s’addòbiu intra de Telemaco e Ulisse marcant sa connoschèntzia cumpartzida intra de unu fìgiu e babbu suo. Ulisse contras de Pinocchio est un’ispetàculu pro pipios dae 6 a 150 annos e s’at a pòdere bìdere ancoras cras (mèrcuris 2 de làmpadas) a sas 17.30 (billete a 5.5, èuros contada sa bèndida in antis, a 3.5 èuros su billete iscontadu), e giòbia 3 a sas 11.00 de mangianu pro sas iscolas (pro custu apuntamentu non b’at prus logu). Pro su cuncordu de s’ispetàculu b’ant traballadu Emilio Ortu Lieto (òperas de iscena), Renzo Atzu (fainas de su buratineri), mentras sa bestimenta l’at aprontada sa cumpangia Salto del Delfino.   A.I.G. Attività realizzata col contributo della Regione Sardegna – IMPRENTAS 2020-2021. LR 22/2018, art22