© ufficio stampa

Lompet s’istadiale e sàbadu su 7 de austu ai 9 e mesu de sero, a pustis chi totu sos logos de sa cultura sunt abarrados serrados, su Museu de su Binu de Berchidda proponet una serada cun binu bonu e mùsica. Lu faghimus cun seguresa, in foras, in su birte chi inghìriat su museu. Cun sas ditàntzias giustas e s’aplicatzione de sas normas sanitàrias.

Est un’ocasione pro visitare su museu, connòschere sa realidade de su binu in Sardigna e fàghere paris unu percursu sensoriale fatu de passiones, culturas e artes diferentes.

Unu percursu de Binu&Mùsica, gràtzias a su contributu de su Blue Note Brass Quintet, unu de sos ensemble in intro de sa Associazione Blue Note Orchestra s’Orchestra Jazz della Sardegna, formadu dae unu orgànicu tìpicu comente su cuintetu de otones c8mpostu dae duas trumbas Emanuele Dau e Luca Uras, un corru frantzesu Gavino Mele, unu trumbone tenore Salvatore Moraccini e una tuba Roberto Greco. Sos chimbe elementos, totu professores de orchestra de istùdiu clàssicu, collaborant cun Entes e assòtzios musicales in totu Itàlia e in foras cun ruolos de importu in s’Orchestra Jazz della Sardegna. Su programma est vàriu e proponet branos arrangiados pro custu orgànicu, cun repertòriu jazz. Branos comente Beale Street Blues e St. Louis Blues di W.C. Handy, Ain’t Misbehavin’ di F. Waller, Sophisticated Lady, Caravan, It Don’t Mean A Thing e Take The A Train di D. Ellington, Round Midnight di T. Monk e brani da West Side Story di L. Berstein nche leant su pùblicu in unu viàgiu musicale in sos Istados Unidos de Amèrica.

In prus de una atividade manna de cuntzertos, sa B.N.B.Q. Proponet letziones in sas Iscolas cun s’obietivu de fàghere a connoschere s’istòria, sa tècnica e ‘impreu de sos otones in campu solìsticu e orchestrale.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22