© Festival Premio Emilio Lussu

Apuntamentu literàriu nou cun sas anteprimas de sa de VII editziones de su Fèstival Prèmiu ‘Emilio Lussu’, cuncordadu dae s’assòtziu culturale ‘L’Alambicco’ cun su contributu de sa Regione Sardigna.

Martis 23 de freàrgiu, a sas chimbe de sero, in direta streaming in sa pàgina Facebook ufitziale de su fèstival, in s’indiritzu https://www.facebook.com/FestivalPremioLussu, s’at a presentare su romanzu istòricu “Sa conchista’ de s’iscritore fracòngiu e giornalista tataresu Vindice Lecis.https://www.facebook.com/FestivalPremioLussu

Paris cun s’autore ant a intervènnere su diretore artìsticu de su fèstival, Alessandro Macis, e s’editore Francesco Cheratzu, mentras s’addòbiu l’at a regulare sa giornalista Manuela Ennas.

S’òpera l’at publicada sa domo de imprenta Condaghes in su 2020 e amegat de connòschere un’agradessimentu mannu. Comente faghet a cumprèndere su tìtulu, si faeddat de sa conchista de sa Sardigna dae parte de sas armadas aragonesas. Una chistione in ue ideales e trassas cuadas de podere s’intritzant a pare e si cunfundent lassende logu a su contu de esistèntzias, de personàgios de ònnia genia chi ammisturant a pare sa sorte issoro in una gherra sambenosa chi at marcadu a manera funguda s’istòria e sa cultura de s’ìsula.

S’addòbiu culturale est dedicadu a su babbu mannu de su sardismu, iscritore, polìticu e antifascista ischetu.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Organizzazione

Festival Premio Emilio Lussu