© web

Torrat ocannu puru, ismanniada ancoras pro su chi pertocat sa proposta e sa cobertura geogràfica, sa faina chi dae su 2014 su FAI – Fundu pro s’Ambiente Italianu – dèdicat a is panoramas italianos e a su promovimentu de sa connoschèntzia issoro, cuncordada a manos de pare cun sa Fundatzione Zegna. Domìnigu 12 de cabudanni de su 2021, in ocasione de sa de oto editziones de sa “Die de su Panorama”, su FAI at a invitare su pùblicu a si “abbaidare a inghìriu a inghìriu” cun atentu, a fàghere andare sa mirada e a apretziare cun prus cussèntzia sa bellesa de sos paesàgios chi si podent castiare dae trèighi Benes suos in deghe regiones – intra de custos sas Salinas Conti Vecchi de Assèmini (CA) e sa Bateria Militare Talmone in Punta de Don Diego, in Lu Palau (Tàtari) – e a custos si ddoe atzunghet s’Oasi Zegna de Trivero Valdilana (BI), unu progetu de importu de avaloramentu ambientale e sotziale chertu dae Ermenegildo Zegna e patrotzinadu dae su FAI.

In Sardigna, una die passada in su logu industriale de sas Salinas Conti Vecchi in Assèmini (CA) at a permìtere de nde piscare su valore istòricu, culturale e ambientale cun una bìsita ghiada de duas oras pro iscobèrrere su paesàgiu ischietu de sa salina; si nono, si podet fàghere una caminada in sa Bateria Militare Talmone in Punta de Don Diego, in Lu Palau (Tàtari), chi at a permìtere de bìere unu paesàgiu ispantosu gràtzias a una caminera pro trekking in su more antigu militare chi, passende peri granitos e matedu mediterràneu, portat a su logu panoràmicu istravanadu chi est sa vedeta de Monte Don diego. Pro pigare parte a sa faina est de òbligu a si prenotare in sa pàgina www.giornatadelpanorama.it, in ue si ddoe agatat su programma cumpletu, cun sos oràrios e sos costos de sas fainas. Si su tempus at a èssere malu, carchi cosa si diat pòdere annuddare o si diat pòdere fàghere in parte ebbia.

A.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22