Domìnigu 25 de trìulas, a sas 21.30, addòbiu ispetziale de serrada de su Casteddu film fèstival, ocannu dedicadu a “Miradas e istòrias de fèminas”. A manos de pare cun sa Fundatzione Sardigna film commission, su Tzìnema odissea e sa Sotziedade Umanitària de S’Alighera, in sa Manifattura Tabacchi betza s’at a presentare su documentàriu Punta Sacra.

Unu contu intra de realismu e projetziones in s’immaginàriu, intra de ispèddiu e pragmatismu. E unu disìgiu mannu: su de pòdere sighire a bìvere in cussu logu, chi pro issos est sa domo.

Punta Sacra at bintu comente a mègius film in su Fèstival Visions du Réel de su 2020, candidadu comente a mègius documentàriu in su David di Donatello 2021, at bintu pro sa mègius regia e su Prèmiu de sa giuria CICAE in su Fèstival Annecy Cinéma Italien, Prèmiu Valentina Pedicini Nastri d’Argento 2021, Prèmiu ispetziale de sa giuria e mentovu ispetziale pro sa colunna sonora Alice nella Città – Festa de su tzìnema de Roma.

Francesca Mazzoleni (Catania, classe 1989), diplomada in Regia in su Tzentru Isperimentale de Tzinematografia de Roma. Traballat intra de Roma e Berlinu. At ghiadu unos cantos curtzumetràgios chi l’ant fatu bìnchere prèmios meda, intra de custos sa nòmina in sos Nastri D’Argento 2015, su mègius curtzu in su Terre di Cinema 16éme Edition du Festival du Nouveau Cinema Italien pro “Lo so che mi senti”, su prèmiu pro sa mègius fotografia, valores tècnicos e mùsicas originales in Visioni Italiane pro su 1989.

Casteddu film fèstival lu cuncordat s’assòtziu culturale Tina Modotti e si faghet cun su contributu de sa Regione Autònoma de Sardigna (Lege in contu de su tzìnema), a manos de pare cun sa Fundatzione Sardigna film commission e sa Fundatzione “Giuseppe Siotto”.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22