Italia Eventi 24
LinguaIT
Addòbios de Nadale in Otieri

S’Istitutzione Santu Micheli, su Tzentru Cummertziale Naturale cun s’Assessoradu de sa Cultura, de sas Atividades produsidoras e de sas Polìticas sotziales de su Comune de Otieri ant aprontadu unu programma ricu meda de manifestatziones de Nadale chi ant a abbiatzare su tzentru istòricu de Otieri e non solu.

S’at a comintzare domìnigu 5 de su mese de Nadale in sa pratza in dae in antis de sa Gruta de Santu Micheli cun unu mercadeddu de Nadale, cun propostas meda pro totu sa famìllia, in ue sos mannos nde podent aprofitare pro comporare sos regalos de Nadale e sos pitzinnos podent giogare e si podent ispassiare, leende parte a sos laboratòrios cuncordados pro issos. In su mercadeddu si ddoe podent agatare paradas chi bendent prodùsidos locales, artìculos traditzionales, artesanales e artìsticos.

Sos apuntamentos cun sas famìllias sighint pro totu su tempus de Nadale cun addòbios e laboratòrios.

In su Museu Archeològicu “Alle Clarisse” sa filera de sos addòbios comintzat martis 7 de su mese de Nadale cun su laboratòriu de s’Assòtziu Lughenè “Sighende s’Isteddu”.

Su tzentru istòricu l’at a animare s’Assòtziu Gurdulù Teatro mèrcuris 22 de su mese de Nadale cun sos personàgios còmicos de su carritu de Musicolerìa, chi ant a fàghere ispassiare a mannos e a minores cun mùsica, giogos, tràmpulos e acrobatzias, e mèrcuris 29 cun Si non proet 2021.

Mèrcuris 5 de ghennàrgiu in su Museu Archeològicu “Alle Clarisse” b’arribat sa Befana cun s’ispetàculu de cabaret “Fiabaret” de s’Assòtziu Maldimarem.

Si faghet fintzas sa de duas editziones de su cuncursu “Bighinos a Nadale”.

Chenàbura 10 at a èssere una die piessignada dae s’atmosfera de su Nadale cun sos Zampognaros de Sardigna de Gioachinu Raffone, chi dae sas bator e mesa de sero ant a animare su tzentru de sa tzitade.

Sa programmatzione de Nadale at a agabbare sàbadu 15 de ghennàrgiu in su Teatru tzìvicu “O. Fallaci” cun sa rapresentada teatrale de sa Compagnia delle Donne “Arratza de fadiga pro fàghere unu fizu” de Camillo Viticci, cun sa bortadura in sardu logudoresu de Tetta Becciu.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español