Italia Eventi 24
LinguaIT
ARCHEOLOGIKA 2021

In sas dies 5, 6 e 7 de santandria lompet a su momentu prus de importu sa campànnia Archeologika, chi tenet sa tarea de promòvere su turismu culturale sardu e, prus che totu, su patrimòniu archeològicu istremenadu de s’ìsula.

In custas tres dies, dae sas 9.30 a sas 18.30, su Tzentru fierìsticu de Casteddu at a acasagiare caminos a tema, addòbios e fainas chi pertocant s’archeologia in Sardigna.

S’intrada a sa Fiera est gratis, cun averiguadura de sa Tzertificatzione birde e cun mesura de sa temperadura in s’intrada.

In su pranu terrenu de su Palàtziu de sos cungressos ant cuncordadu unu caminu multimediale peri sa preistòria e s’istòria sarda: dae sa pedra crobina a su tempus de sos Romanos. Sos ammentos de su tempus coladu chi s’agatant in curnisas naturales ispantosas, bortas meda galu cuadas a sos ogros de sos bisitadores, contant s’istòria de s’ìsula in una mustra chi tenet una base iscientìfica de importu e efetos iscenogràficos ispantosos.

Pro tres dies e pro ses oras ònnia die s’ant a intreverare una filera de cunferèntzias chi mustrant a su pùblicu sas iscobertas ùrtimas e sos istùdios reghentes in contu de s’archeologia in Sardigna. Protagonistas de sos addòbios ant a èssere professores de s’universidade, archeòlogos e chircadores. Sas cunferèntzias ant a tènnere dura de mesora onniuna.

Archeologika est unu progetu pensadu dae s’Assessoradu regionale de su Turismu e totu su cuncordu suo l’at contivigiadu sa Càmera de Cummèrtziu de Casteddu-Aristanis, pro su promovimentu a livellu natzionale e internatzionale de s’immàgine de sa Sardigna e de su patrimòniu archeològicu istremenadu chi tenet.

Archeologika est unu biàgiu peri sos logos archeològicos de Sardigna, avalorende s’istòria e sa cultura issoro: s’ìsula si càndidat gasi comente a meta turìstica prus de importu de su Mediterràneu ligada a su tempus passadu e a s’archeologia.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español