Italia Eventi 24
LinguaIT
CANTU, TEATRU E POESIA CUN GISELLA VACCA

No est fàcili a contai sa vida de Gisella Vacca, artista cun medas talentus, cantanti, atora, regista e autora. Nci provaus. Incumentzeus de su cantu, narendi ca s’est laureada in su Cunservatòriu de Casteddu e sigaus cun su traballu de atora, aciungendi ca in su matessi tempus s’est formada cumenti a atora e regista cun artistas internatzionalis de importu. Su primu palcu dd’at connotu cun Il Crogiuolo e Mario Faticoni e in su ‘91 est giai fundendi sa primu cumpangia sua Le Maschere Nere. Apustis partit su traballu cun Radio Rai e su Teatro di Sardegna. De inguni arribat fintzas a su cinema sardu e su tretu suu de artista est giai marcau, de sa Sardìnnia a su mundu, e is ùrtimas produtzionis si ddu cunfirmant.

Le canzoni del ritiro est nàsciu in cuddu tempus de inserru chi eus bìviu in su 2020, ponendi a caminai ideas e pensamentus, e torrendi a pigai in manus puntas de billetu, scritus mesu printzipiaus e mesu de acabai chi fiant abetendi a ndi bessiri a luxi cun totu sa fortza insoru. Identità negate est dedicau a su sud de su mundu, anca totu ddui at identidadi chi no fait a bivi de manera sulena, diritus negaus, batallas po sa libertadi, fèminas gherrendi e giustìtzia mala. Poita ca sa poesia e s’arti funt una manera de cumbati puru. Sulla mia carne morbida est su recital chi est nàsciu de su lìburu de poesias de issa (Cenacolo di Ares), poesias chi chistionant de issa etotu, de sa vida, de sa Dea Madre, de su femininu, de s’amori spaciau e cumentzau, de sa terra e de su spìritu. Custas boxis funt bessias cantu e mùsica in su palcu, cumenti acostumat a acontessi cun is sonadoris chi dd’acumpàngiant in custu caminu, Nicola Meloni, Renato Muggiri, Pierpaolo Vacca, Fry Moneti, sceti po nd’arregordai calincunu. Unu tretu chi est incumentzau beni e est sighendi mellus.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español