Italia Eventi 24
LinguaIT
Cunvegnos de istùdiu internatzionales in contu de Grazia Deledda

Pro ammentare a Grazia Deledda in su de 150 annos dae sa nàschida, s’ISRE at cuncordadu unu calendàriu ricu meda de addòbios internatzionales.

S’at a faeddare de cosas meda, de tzìnema e de teatru, de coghina e de sos mundos de Grazia: cussu sardu e cussu internatzionale. Si prevident fintzas rapresentatziones tzinematogràficas musicadas: in Casteddu su 20 de santugaine in su teatru Doglio, in ue ant a presentare su film “la Grazia” de su 1929, film mudu acumpangiadu dae sa mùsica de maistru Scaccia, o in Nùgoro, in ue ant a presentare su mundu sardu de Deledda acumpangiadu a sa serrada dae unu cuntzertu de Roberto Milleddu e cun unu cantu a tenore puru.

S’annoat fintzas s’apuntamentu giai incarreradu e isperimentadu in sas Dies nugoresas “Grazia Deledda addòbiat a sos Nobel”. Custa editzione torrat a propònnere sa fòrmula chi at a serrare is cunvegnos de Nùgoro, faghende unu cunfrontu intra de duos Nobel de sa literadura italiana chi ant bìvidu in sa matessi simana istòrica, est a nàrrere Deledda e Pirandello. Dae su cunfrontu nd’ant a essire a campu simigiàntzias e diferèntzias in sos istiles literàrios intra de duos gigantes de sa literadura de su Noighentos.

Sos cunvegnos los ant a fàghere in Casteddu (su 20-21-22 de santugaine), in Tàtari (su 25-26-27 de santandria) e in Nùgoro (su 9-10-11 de nadale) e faghent parte de su programma ricu meda de fainas chi s’ISRE at dedicadu a is tzelebratziones pro su de 150 annos dae sa nàschida de Grazia Deledda.

Intra de un’addòbiu e s’àteru, in ònnia tzitade, s’at a fàghere una cunferèntzia ispetàculu contivigiada dae s’antropòloga Alessandra Guigoni e a ue b’ant a leare parte espertos de su mundu produsidore e de sa cultura gastronòmica, intra de custos sas Agentzias regionales Agris e Laore, sa delegatzione sarda de s’Assòtziu “Sas fèminas de su binu” e sos sòtzios de s’Acadèmia italiana de sa Coghina.

Attività realizzata col contributo della Regione Sardegna – IMPRENTAS 2020-2021. LR 22/2018, art22

A.I.G.

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español