Italia Eventi 24
LinguaIT
Dae sa lege regionale Omnibus su dinari pro sos dannos de su fogu

Pro tempus meda, a pustis de su fogu chi at interessadu sa provìntzia de Aristanis, e prus che totu su Monteferru, s’est faeddadu de contare sos dannos e de su chi serbiat pro agiudare cussas cussòrgias passadas in fogu.

Sas novas ùrtimas, friscas friscas, sunt arribadas dae sa lege regionale Omnibus cun una de sas normas prus isetadas de sa lege, s’art. 1 chi ponet 20 milliones de èuros pro parare fronte a sos dannos ingendrados dae su fogu de su mese de trìulas.

Su dinari s’at a partzire gasi: deghe milliones pro contributos in favore de sos privados e de sas siendas produsidoras, comintzende dae cussas de s’agricultura; duos milliones de èuros a sos entes locales pro incarrerare cantieris forestales, pro defensade su patrimòniu de padentes e pro prevènnere s’arriscu idrogeològicu; chimbe milliones de èuros pro contributos in favore de s’Agentzia forestale pro s’isvilupu de su logu e pro interventos urgentes de acontzu de sos fràigos e de sas infrastruturas chi ant tentu dannu e pro megiorare sa seguresa; tres milliones pro sos primos interventos urgentes in favore de is imprendidores agrìculos chi ant tentu dannu.

Gràtzias a un’emendamentu cumpartzidu s’ant a pònnere àteros bator milliones de èuros pro sas cussòrgias passadas in fogu foras dae sa provìntzia de Aristanis.

Como s’ispera est chi custu agiudu econòmicu siat de profetu a beru pro torrare a cualificare cussas cussòrgias e pro abbiatzare sas siendas chi ant tentu dannos mannos. E chi, pro su tempus benidore, su fogu non siat prus unu perìgulu pro sa Sardigna!

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español