Sa terra est salmastra e si si pàstinat bogat frutos bonos. Su logu est ispèrdidu e discoidadu. InCastiadas in cue serente sas paludes e sos trainos sunt gasi medas chi non mancant epidemias de malària e peste.
Custu est su chi sos mannois bient si mirant a una de sas 5 costeras prus bellas de su mundu: Costa Rei. In su 1875 lompent, pro òrdine de su Ministeru de s’Internu, 30 presoneris cun sos agentes issoro de custòdia.
Su còmpitu issoro est cussu de bonificare e dare una vida noa a unu territòriu discoidadu dae totus. Sos presoneris faghent in Castiadas un’òpera chii galu oe podimus gosare. Sa colònia penale prus manna de Italia chi podet retzire fintzas a 1000 preoneris. Acò dae ue lompet su nùmene Costa Rei. Su litorale ue fiant arribbados cussos chi fiant cunsiderados “reos” prounos cantos motivos. E sa costa leat torr avida noa.
Ma ancora no agradat a sos bisajos nostros, massajos e pastores chi disprètziant custas terra, pro nudda ùtiles in sa fainas issoro de campagna. Unu logu de nche “fuliare” ca non bogaiat profetu! Non si nde sapint de su biancu arbu che nie de sa salina de Piscina Rei, de su rosa forte de sas alas de su mangoni, chi bolant galu oe cun galabera in sos chelos de Costa rei.Custu paesàgiu gosi crispu e galu ìnnidu meresset chi siat esploradu cun rspetu e ammiru.
E nois amus seberadu de lu colare a caddu, in armonia perfeta cun sa natura chi nos afùrriat. Si moet dae su manègiu de Iba Sa Crèsia, su mangianu chitzo, pro amparare sos caddos dae su calore in s’intro de die e gosare de s’arbèschida in su mare. Cando su ruju de su chelu nche isparesset in s’oru de su mare si podet colare a costados de sa praja cara a sa pineta de Capo Ferrato. In cue s’intendent sas ungheddas de sos caddos chi nche intupant in s’arena passu cun passu e su istrampare de sas undas in s’oru de mare. S’arribbat duncas a sa pineta e si sighit su biàgiu cara a su faru, una iscolliera chi nche ruet belle in su mare.
Su panorama de su faru est de nche bogare s’àlidu a tesu si nche bient s’ìsula de is càvurus e Serpentara. Si biet totu sa costera in ambos chirros. In manu manca si podet bcastiare Baia delle Anfore e posca prus in antis sa praja de Feraxi, tìpica pro sas dunas suas de arena e ca est incurnisada dae unu ghinneperedu seculare. A s’àteru chirru si biet totu sa Costa Rei cun sos chilòmetros suos de prajas biancas chìghinas.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.
