Italia Eventi 24
LinguaIT
In Tàtari sa Die natzionale pro su tesseramentu Emergency 2022

Sàbadu 9 e domìnigu 10 de santugaine s’at a pòdere seberare de abarrare cun EMERGENCY in defensa de sos deretos umanos. Sas voluntàrias e sos voluntàrios de su grupu Emergency de Tàtari ant a èssere presentes sàbadu 9 dae sas deghe de mangianu a sas oto de sero e domìnigu 10 dae sas deghe de mangianu a sa una in pratza de Itàlia, mentras domìnigu dae sas chimbe de sero ant a èssere òspites de sa libreria Giunti, in bia de Cavour 16/18, pro contare su traballu chi, dae su 1994 a oe, at permìtidu de curare prus de 11 milliones de persones in 18 Paisos, e pro dare sa possibilidade – pro chie cheret – de seberare de istare cun Emergency in defensa de sos deretos umanos e de agiudare sas fainas suas.

Est una manera pro agiudare sos progetos de Emergency e de cumpartzire un’idea simpre: chi sa cura est unu deretu umanu de fundamentu e chi cheret asseguradu a ònnia persone, sena de escluire a nemos.

A prus de s’impignu suo in s’èsteru in sos Paisos in gherra, dae su 2006 Emergency est presente fintzas in Itàlia e in Sardigna cun ambulatòrios chi oferint curas gratis in unas cantas cussòrgias prus dificultosas de su Paisu nostru.

Pro fàghere sa tèssera de Emergency e pro retzire in deretura in domo sa rivista trimestrale de s’assòtziu, bastat una donatzione de 12 èuros fintzas a 25 annos, de 30 èuros intra de 26 e 64 annos, de 20 èuros pro chie tenet prus de 65 annos. In prus, faghet a s’iscrìere in lìnia in sa pàgina  https://tessera.emergency.it.

Su dinari regortu at a serbire pro agiudare sos ispidales e sos tzentros sanitàrios Emergency in Afghànistan, Iraq, Sierra Leone, Sudan, Uganda e Itàlia.

Gràtzias a su contributu issoro, sos tzitadinos ant a pòdere caminare paris cun Emergency, “semper deretos” pro defensare sa paghe e sa solidariedade.

Pro informos: e-mail sassari@volontari.emergency.it – cell 348.1007140.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español