Italia Eventi 24
LinguaIT
Iscola, cun unu positivu ebbia in classe sighint sas letziones in presèntzia

Su Guvernu torrat in dae segus pro su chi pertocat su protocollu de s’iscola: sa Dad movet cun tres positivos in classe. Sa crèschida totu in una de s’isparghidura de sa maladia in intro de sos pitzinnos de sas iscolas (e sa timoria pro sa variante Òmicron) aiat cumbintu su Ministèriu de sa Salude e de s’Istrutzione a nàrrere chi emmo a sa rechesta de sas Regiones de fàghere prus crispas sas règulas de sa gestione de sas cuarantenas in iscola: cun unu dischente positivu ebbia diat èssere mòvida luegos sa cuarantena pro totu sos cumpàngios de classe e diat èssere mòvida sa didàtica a distàntzia. Sa tzirculare l’aiant firmada su 29 de santandria. Ma oe 30 de santandria su torrare in dae segus de Draghi: su de assegurare sa partetzipatzione in presèntzia e sas letziones in iscola in seguresa est una prioridade de su Guvernu. Duncas si torrat a sas règulas de in antis: classe in Dad cun tres positivos. S’istrutura de su cummissàriu istraordinàriu pro s’emergèntzia Covid-19 de su generale Figliuolo «at a fàghere prus averiguaduras in sas iscolas, cun sa punna de afortigare su traciamentu de sa Covid».

In su comintzu de s’annu de iscola, pro more de sos pagos impestos e de sos vatzinos meda in sa fasca de edade dae sos 12 annos in subra, su Ministèriu de sa Salude aiat illebiadu sas règulas pro sa gestione de sas cuarantenas in classe, cun sa possibilidade de intrare in Dad cun tres positivos in classe. Ma su provedimentu at dèpidu fàghere sos contos luegos cun sas dificultades de Asl meda de fàghere in presse sos tampones pro su traciamentu, pretzisos in sas classes cun unu o duos positivos. De tale manera chi carchi prèside s’est refudadu de aplicare su protocollu. Ma su Guvernu non tzedet: si andat in dae in antis cun custas règulas.

Sa didàtica a distàntzia at a mòvere cun unu positivu ebbia in classe pro so pitzinnos finas a ses annos, cun duos positivos pro sos dischentes dae 6 a 12 annos e, dae 12 in susu, s’at a andare in Dad si sos casos positivos sunt a su nessi tres. Pro sos pitzocos chi si podent vatzinare sas règulas abarrant duncas cussas in vigèntzia.

A.I.G

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español