Italia Eventi 24
LinguaIT
KRISTINA JACOBSEN E SU COUNTRY SARDU

Kristina Jacobsen est un’antropòloga e etnomusicòloga americana de orìgini scandìnava chi traballat in s’universidadi de su New Mexico de Albuquerque e chi s’est fata 20 annus in d-un’arreserva indiana Navajo, imparendi sa lìngua insoru. In su 2020 fiat in Sardìnnia cumenti a visiting professor de su cursu de etnomusicologia de s’Universidadi de Casteddu e nd’at aprofitau po aprofundiri sa mùsica e is fueddadas sardas. Sissi, poita ca Kristina est finas una musicista country, sonat sa ghitarra e ponit cantzonis impari a atrus sonadoris e a sola puru.

In Sardìnnia at pigau domu in Casteddu e in Santu Lussùrgiu, aundi at connotu genti, amigus, artistas e studiosus chi dd’ant fatu connosci prus e prus sa curtura de cust’ìsula e sa mùsica sua. E duncas, no nc’est bòfiu meda meda a ndi fai unu discu de custa sperièntzia in terra sarda, cun s’agiudu de mùsicus de logu nostu e de sa Talk About Records, eticheta de Santu Lussùrgiu etotu. Aici est nàsciu House on Swallow Street, discu de country cantau in sardu e in ingresu, e pagu pagu italianu puru. Is sonadoris chi nc’at postu in mesu Kristina funt Ignazio Cadeddu, Matteo Scano, Max Viani, Sebastiano Dessanay, Matteo Leone, Matthew “Baro” Papperi, Giuseppe Bulla e Enrico Spanu.

Ma sigumenti a fai unu discu in sardu po un’americana no est fàcili, at tocau a circai s’agiudu de paricis spertus de sardu cumenti a Àngiulu Còngiu, Fàbiu Usala, Ivo Mùrgia, Frantzisca Manca e Ignazio Cadeddu. Cumenti eus nau, custas funt cantzonis country chi si faint viagiai e si faint pensai puru, a ita est s’identidadi de una comunidadi pitica, ita est su cuntzetu de domu, ita bolit nai a movi e a torrai, tra una boxi sarda e unu yodeling americanu, tra unu sonetu a butonis e unu contrabàsciu, e in mesu sa boxi de Kristina, sardamericana bagamunda.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español