Italia Eventi 24
LinguaIT
Lingua Bia s’assòtziu casteddaju po su sardu

Lìngua Bia est un’assòtziu casteddaju chi est annus traballendi po su sardu in Casteddu. At incumentzau faendi cursus de arfabetizatzioni in sardu chi imoi funt cuncordaus in cursus de basi, mesanu e de arrexonada. Tocat a nai ca s’arrespusta in custus annus est stètia bona meda, ca is cursus fiant sèmpiri prenus e is chi ant incumentzau in d-unu tretu, agoa ant sighiu is atrus puru, su prus de is bortas. Is scientis fiant siat piciocus casteddajus e finas de is biddas de acanta, cumenti a scientis de biddas prus aillargu e, cosa chi fait spantu, stràngius puru. Sissi, calincunu foresu crosidadosu de imparai sa lìngua nosta s’est fatu su cursu e nci dd’at acabada a chistionai su sardu puru. Medas is fèminas e is giòvunus, tanti po torrai sa sceda a cuddus chi nant chi su sardu est cosa de bècius… A prus de totu custas bellas fainas Lìngua Bia at aprontau cursus de launeddas, cursus de ballu sardu, cursu de cantada campidanesa, scola po pipius in sardu (doposcuola), atòbius de stòria sarda, atòbius cun personalidadis de sa curtura nosta e atras milli fainas de profetu. Innantis fiant in su bixinau de Santu Miali ma po mori de su covid imoi su prus de is fainas nci funt passadas on line, chi, in su malu, at agiudau s’assòtziu casteddaju a lompi prus atesu puru, cun scientis chi s’agatant in paricis continentis. Su presidenti est Fabio Usala, chi est faendi su traballu suu cun gana e passioni. De arregordai finas su documentu Sa Carta de Montarbu, chi bolit pinnigai apari totu su movimentu linguìsticu sardu e Spaciada sa bregùngia chi bolit torrai su sardu a is pipius e in sa scola. Batallas de importu chi movint de Casteddu, sa capitali sarda, po arribai a totu is Sardus, poita chi su sardu no bincit in Casteddu no bincit in perunu logu. Circai sa pàgini insoru in Facebook.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español