Italia Eventi 24
LinguaIT
MATTEO LEONE BINCHET SU PRÈMIU ANDRIA PARODI 2021 

Matteo Leone at bìnchidu sa de 14 editziones de su Prèmiu Andria Parodi, su cuncursu europeu prus de importu riservadu a sa world music. A issu andant puru sas mentziones pro testu, mùsica e arrangiamentu. Su prèmiu de sa crìtica l’ant dadu a Sorah Rionda, chi at otentu fintzas su Prèmiu Bianca d’Aponte International.

 

A Elliott Morris l’ant dadu sa mentzione pro sa mègius interpretatzione e su prèmiu assignadu dae sos pitzocos presentes in sa sala. Su prèmiu pro sa mègius interpretatzione de una cantzone de Andria Parodi si l’at merèssidu Francesco Forni, mentres sa giuria internatzionale at premiadu, cun su matessi mèritu, a sos Siké e Terrasonora. In fines su prèmiu assignadu dae totu sos cuncurrentes est andadu a Yarákä. In gara bi fiat fintzas Ayom.

 

Sas finales las ant fatas chenàbura 12 e sàbadu 13 de santandria in su Teatru Si’ e Boi de Ceraxius, presentadas dae Gianmaurizio Foderaro e Ottavio Nieddu.

Sos duos seros los ant trasmìtidos in direta streaming in sas pàginas Facebook de sa Fundatzione Andria Parodi, de EjaTV e de SardegnaEventi24. Sa segunda fintzas in cussas de Rai Radio1 e Rai Radio Tutta Italiana.

 

Su binchidore assolutu tenet deretu a una bursa de istùdiu de 2.500 èuros, e in prus sa possibilidade de si presentare in carchi fèstival sòtziu de su Parodi, comente European Jazz Expo, Folkest e su matessi Prèmiu Andria Parodi 2022. Sa binchidora de su Prèmiu de sa Crìtica imbetzes at a tènnere sa possibilidade de fàghere unu videoclip professionale de sa cantzone in cuncursu, prodùsidu dae sa Fundatzione Andria Parodi.

 

Chenàbura si sunt esibidos comente òspites sos binchidores de su Parodi in su 2019, sos Fanfara Station, trio internatzionale cumpostu dae Marzouk Mejri, cantadore, autore e sonadore de istrumentos meda, tunisinu, dae Charles Ferris, sonadore de trumba de sos Istados Unidos, e Marco Dalmasso aka Ghiaccioli e Branzini, dj e produsidore torinesu.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español