Italia Eventi 24
LinguaIT
Monumentos abertos 2021

“Monumentos abertos 2021” at a comintzare in sa coa de chida de sàbadu 23 e domìnigu 24 de
santugaine.
Sa prima cosa bella est chi, cunforma a cudda de su 2020, sa de ocannu at a èssere un’editzione pro
su prus in presèntzia cun sa torrada – fiat ora! – de sos pitzocheddos a sos monumentos, peri sas bias
e sas pratzas, mancari respetende unas cantas normas de seguresa. Pro pòdere bisitare sos
monumentos o leare parte a sas caminadas, difatis, at a tocare a prenotare. Mancari s’istesiamentu
intra de una persone e s’àtera non siat prus de òbligu in sos logos de sa cultura, Imago Mundi, de
acòrdiu cun sas amministratziones chi ddoe leant parte, cheret gestire comente si siat cun cautela sa
partetzipatzione a bìsitas e itineràrios, transende s’arriscu de ingendrare atropèllios de gente
perigulosos. Sa prenotatzione si podet fàghere intrende a sa pàgina Internet de ònnia Comune. In
prus, pro otènnere àteros informos in contu de comente si prenotare faghet a iscrìere a s’indiritzu
prenotazioni@monumentiaperti.com.
Ocannu sos monumentos chi si podent bisitare sunt 111. Ma, comente acontesset giai dae unos
cantos annos, sos logos s’ant a pòdere bisitare e connòschere fintzas gràtzias a 32 itineràrios a tema.
Totu su cuncordu e sas bìsitas las ant a contivigiare unos 9.000 voluntàrios de 107 assòtzios
culturales e de 60 iscolas.
Sas biddas chi ocannu leant parte a sa manifestatzione sunt 27, unu nùmeru prus bassu meda
cunforma a cuddos de sa simana in antis de sa Covid-19, cando fiant unas 60 sas amministratziones
presentes, ma de seguru prus de cuddos de ocannu passadu. Bi sunt cunfirmas meda e b’at carchi
nova, comente a Casteddu Sardu, Geroni, Ossi, Serrenti e Tissi, chi bi leant parte pro sa prima
borta.
Sàbadu 23 e domìnigu 24 de santugaine s’at a comintzare in Cossoine e in Gavoi. Su 30 e su 31 de
santugaine sa manifestatzione s’at a transire a Bosa, Castiadas, Geroni, Igrèsias, Aristanis e
Biddeputzi.

A.I.G

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español