Italia Eventi 24
LinguaIT
Musas e Terras 2021

Musas e Terras est su tìtulu seberadu pro una filera de manifestatziones, cuntzertos, ispetàculos e atòbios iscientìficos, dedicados a sa poesia e a sas espressadas musicales de traditzione orale de su mundu, cun atentu ispetziale pro sas artes chi tenent raighinas istòricas in sa cultura de s’ìsula nostra.

Sa manifestatzione, imbàtida a sa de tres editziones, s’at a fàghere in paritzos Comunes de s’ìsula, cumentzende dae su 3 de nadale, e at a acabbare in Casteddu su 27 de nadale cun su sòlitu cuntzertu de saludu.

In mesu a s’iscenàriu b’ant a èssere sas 9 artes e CAMPOS est su portaboghe (sas launeddas, su cantu a tenore, sa poesia improvisada logudoresa, a mutetos, a mutos e a s’arrepentina, sos càntigos de crèsia a bator boghes, sa mùsica traditzionale de acumpangiamentu a su ballu, sos càntigos a chiterra) a faca a àteras formas de traditzione musicale chi rapresentant sas culturas de su mundu.

Tema printzipale e filu condusidore de sa manifestatzione ant a èssere su baddu e sos sonos chi dae millènnios nde acumpàngiant sos passos. Su baddu est cunsideradu in sa dimensione percetiva sua, cun s’ispinta rìtmica de su corpus e sa tensione interna sua, ma fintzas comente a aina de creatzione artìstica. Prus a fine, est ogetu de interessu de importu sa capatzidade, patrimòniu ispetzìficu de unas cantas culturas, de creare un’esibitzione totu paris in ue sos chi sonant e sos chi baddant traballant paris pro fàghere unu “ogetu artìsticu”. Sa particularidade de sos càntigos, de sos baddos e de sas bestimentas de su connotu, a prus de èssere cunsiderada dae totus unu patrimòniu artìsticu e istòricu pretziosu de sa Sardigna, est bìvida dae ogni comunidade comente a valore de agregatzione e sinnu de identidade.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español