Italia Eventi 24
LinguaIT
NOIS E SOS ÀTEROS, IN SU TZÌNEMA SOS CONTOS DE CASTEDDU

Nois e sos àteros, contos chi faeddant de Casteddu, de sos personàgios suos e de s’istòria sua. Custu est su tema prus de importu de sa rassigna tzinematogràfica in programma in su tzìnema Greenwich d’essai de bia de Tàtari dae su 20 de santugaine a su 3 de santandria de su 2021.

Sa rassigna, cuncordada dae s’assòtziu culturale Babel cun s’agiudu de su Comune de Casteddu, pro tres mèrcuris paris a sas sete de sero at a propònnere sa visione de chimbe documentàrios fatos in Sardigna e at a ofèrrere a su pùblicu sa possibilidade de nde faeddare cun sos autores.

Su primu apuntamentu si previdet pro mèrcuris 20 de santugaine de su 2021 cun duos documentàrios fatos dae Paolo Carboni: Casteddu Sicsti, primu film fatu in casteddaju, contat de sa tzitade in s’agabbu de sos annos ’60, ponende paris is limbàgios de sa messinscena tzinematogràfica, de s’intervista e s’impreu de immàgines de repertòriu. A pustis s’at a projetare Forasdenosus instant doc giradu in sa simana de s’inserru pro more de sa pandemia: cun sas immàgines de una Casteddu deserta in sos logos prus de importu, mustrat a s’ispetadore una prospetiva noa de sa tzitade.

Sa de duas dies at a èssere mèrcuris 27 de santugaine cun su documentàriu Bar Seui, firmadu dae Andrea Deidda, chi faeddat de su contu de Armando, chi a pustis de sa gherra si nche andat dae sa bidda de Seui e lompet a Casteddu in chirca de unu tempus benidore mègius.

Ma non s’at a faeddare de Casteddu ebbia. S’addòbiu, difatis, at a comintzare cun unu curtzumetràgiu chi nche at a tragare a sos ispetadores a s’àtera ala de sa Sardigna: L’ultimo barbiere di Carrera Longa, de Antonio Maciocco, contat s’istòria de tziu Gavino chi nche at passadu 56 annos a intro de su salone suo de barberi.

In sa de tres dies de sa rassigna, chi est fintzas s’ùrtima, su 3 de santandria de su 2021, s’at a projetare Mama Abba de Daniele Atzeni: unu longumetràgiu in contu de sa vida de Sergio Atzeni, iscritore istimadu de Casteddu, chi s’ammentu suo est galu biu in su coro de totus.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español