Italia Eventi 24
LinguaIT
Prèmiu Andrea Parodi 2021

S’acùrtziant sas datas de sas finales de su Prèmiu Andrea Parodi, su cuncursu prus de importu in Europa de world music, prevìdidas pro su 12 e 13 de santandria in su Teatru Si’ e Boi de Ceraxius.

Comente a òspites ant a èssere presentes fintzas sos binchidores de sas ùrtimas duas editziones de su Prèmiu. Chenàbura 12 at a tocare a sos binchidores de su 2019, sos Fanfara Station, triu formadu dae Marzouk Mejri, cantautore e polistrumentista tunisinu, Charles Ferris, sonadore de trumba istadunidensu, e Marco Dalmasso aka Ghiaccioli e Branzini, dj e producer torinesu. Sàbadu 13 at a tocare a Still Life, duo sitzilianu/portoghesu chi bivet in Bartzellona, formadu dae sa cantadora Margherita Abita e dae su sonadore de violinu João Silva, chi at bintu s’ùrtima editzione.

Ocannu sos finalistas ant a èssere oto, chi – comente acontesset a fitianu in su Prèmiu Parodi – ant a presentare maneras diferentes de sonare e cantare sa world music. Sono Ayom (dae Toscana / Brasile / Angola / Portogallu), Francesco Forni (Campània / Làtziu), Matteo Leone (Sardigna), Elliott Morris (Rennu Aunidu), Sorah Rionda (Cuba / Vènetu), Siké (Sitzìlia), Terrasonora (Campània), Yarákä (Pùllia).

Sos duos addòbios, cun sa diretzione artìstica de Aleni Ledda, los ant a presentare Gianmaurizio Foderaro e Ottavio Nieddu.

A sos finalistas los at a giuigare una giuria tècnica (formada dae espertos, autores, musitzistas, poetas, iscritores e cantautores), chi at a istabilèssere su binchidore assolutu, e una giuria crìtica (formada dae giornalistas e crìticos musicales), chi at a assignare su Prèmiu de sa crìtica. Ambas duas sas giurias sunt formadas dae espertos de custa genia de mùsica.

Su Prèmiu Andrea Parodi naschet pro ammentare a custu cantadore, boghe ispantosa, artista sardu de world music mortu 15 annos a oe. Lu cuncordat sa Fundatzione Parodi.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español