Italia Eventi 24
LinguaIT
QUILO PIONIERI DE SU RAP

Oi si contaus sa stòria de su rap sardu e in sardu, e ddu faeus contendi su contu de unu pionieri, Quilo. Sa passioni dd’est nàscia a s’acabu de is annus ‘80, candu at incumentzau a s’acostai a sa curtura hip hop, agoa in su ‘91, impari a Rais, at fundau Sa Razza e in su ‘92 est bèssiu su primu sìngulu In sa ‘ia/Càstia in fundu. De su ‘96 est su primu discu cumpriu “Wessisla”, a nòmini SR Raza, chi est in sa stòria de su rap sardu e no sceti. In su 2001 bessit EYAA e infatu atrus Ep. Inghitzat a traballai cun atrus artistas sardus e foresus, Casino Royale, Caparezza, Sud Sound System etc. sonendi in su pròpiu palcu cun gigantis cumenti a is Beastie Boys.

In su 2004 ndi bessit a luxi un’atru progetu mannu: Malos Cantores, cun Micho P, e duus discus “Un gran raap sardu” e “Musica sarda”, discus de spàssiu ma de denùntzia sotziali puru. Totu custa creatividadi fait nasci sa factory Nootempo, chi at traballau cun artistas cumenti a Arrogalla, Randagiu Sardu, Bentesoi e atrus. E imoi chistioneus pròpiu de is ùrtimas produtzionis de Nootempo. Intzandus, is novas funt sa bessida po sa Nufrecords, e po sa primu borta in vinili dòpiu, de Wessisla, editzioni speciali chi afestat is 25 annus, impari a Ruido e Trizta, e chi est una perda de fundamentu de su rap sardu e no solu, in 300 còpias numeradas e cun òspitis cumenti a Viracocha e Flaminio Maphia.

Atra novidadi manna est su nascimentu de X Books, sa parti editoriali de Nootempo, chi intrat in su mercau de is lìburus po sighiri a contai su mundu de sa mùsica e de s’arti, traballendi cun autoris indipendentis chi tenint unu messàgiu forti de donai. Po imoi ant a traballai on demand, faendi sa diretzioni artìstica, su traballu editoriali, su cuncòrdiu de sa gràfica, s’editing e sa promotzioni. Primu bessida, mesi ‘e idas 2021.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español