Italia Eventi 24
LinguaIT
Sa Cascita de is Arrefudus de Maestrodascia

Ma chini est Maestrodascia? E ita est Sa Cascita de is Arrefudus? Federico Coni est un’artisanu laureau in sa facultadi de architetura de sa Sapienza, de arratza de maistus de linna de unas cantu generatzionis, est traballendi sa linna po fai gioghitus, animaleddus, personàgius de Pinocchio (chi imoi funt in d-un’amosta in Bobadri), tarocus e dònnia arratza ‘e cosa chi fait a fai cun sa linna. Sa butega sua est in Abas e si narat Pinokkeria, baxeiddoi. S’ùrtimu imbentu de issu est Sa Cascita de is Arrefudus e ita est si ddu scòviat issu etotu cun custus fueddus.

“De un’idea de MAESTRODASCIA, artisanu e creadori, una vida traballendi po fai balli sa linna de su maistu ‘e linna e no sceti. Sa LINNA est unu beni tropu pretziau po nci ddu depi scavulai. Cun is arrestus de su traballu, chi no fait a imperai po is domus e po sa mobìlia, fait a si imbentai giogus, personàgius e ideas a fuliadura. Is pipius funt sigurus, ca peruna parti chi s’agatat in su stùgiu est pintada e dònnia arrogheddu est allisau, e perou fait aici etotu a ndi pigai su fragu e a ndi intendi is formas e is particularis. Fait a fraigai, fait a imbentai e cun s’agiudu de is babus e de is mamas, fait finas a apicigai, a stampai, a fai animalis, casteddus, giardinus e bisus! In Sa Cascita de is Arrefudus ddui at arrogalla de linna chi ndi benit de su traballu de su maistu ‘e linna, de su traballu industriali (culleras, tuponis de ortigu e atra cosa puru), linna chi ndi benit de mari, atra linna chi ndi benit de padenti, chi portat croxu, papada de su brèmini (chi no ddui est prus), est a nai unu caminu in su mundu de un’aina spantosa! Su stùgiu est una scàtula speciali de is sentidus, chi si lassat scoberri e traballai, fragai, tocai e imbentai! CASTIAI A BIRI!  ARRECUPERU, MANÌGIU NOU, IMBENTU NOU, GIOGU”.

 

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español