Italia Eventi 24
LinguaIT
Sa die de sos mortos

Custu est unu resùmene curtzu de unos cantos avesos e acostumos de su connotu in Sardigna pro su chi pertocat su cultu de sos mortos.

In su connotu sardu su 2 de santandria, die de sos mortos, sos pipios giai dae su mangianu andaiant peri sas bias de sa bidda cun unu sachiteddu a coddu, casi semper una coscinera betza.

Sos pipios passaiant peri sas domos pro pedire ‘su mortu mortu’, o carchi donu pro ‘sas animeddas’, est a nàrrere pro sas ànimas de sos mannos issoro. Una festa chi is pipios isetaiant cun presu mannu e cun assonniada. Sos pipios si transiant dae una domo a s’àtera in chirca de durches e de àteros prodùsidos bellos de natura. Sa cosa de importu fiat sa de no abarrare mai a sa sola, ma semper in cumpangia.

Una de sas cosas curiosas de su cultu de sos mortos in Sardigna est su rolu de importu chi teniant sos pipios. Issos, segundu sa paristòria sarda, fiant sas ànimas de sos mortos e pro cussu retziant sos donos e sa gente los retziat in sas domos.

Un’àteru avesu chi s’acostumat a fàghere ancoras in logos meda de Sardigna fiat sa de cuncordare sa mesa pro sos mortos. Unu ritu chi naschiat dae s’idea chi ònnia annu, pro sa festa de sos mortos, issos torraiant a domo issoro pro mandigare. Casi semper, a prus de su cafè, s’aprontaiat – cando faghiat – su màndigu chi a su mortu li praghiat de prus cando fiat in vida.

Mancari in medas oe in die creant chi sa curcuriga pintada siat arribada dae a tesu cun sa festa de Halloween, in Sardigna sas curcurigas s’impreaiant e si pintaiant pro sa festa de sos mortos giai dae ora meda, in antis chi sa festa de Halloween esseret arribada a s’ìsula nostra.

Un’àteru acostumu sardu ligadu a custa festa fiat su de is làntias: in sas domos si allumaiant làntias a ògiu, una pro ònnia mannu chi si cheriat ammentare in famìllia pro sa festa de sos mortos.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español