S’ìula de molara, intamas, est diferente meda dae cussa de Tavolara. Tzerriada dae sos romanos Buccina, tenet una forma prus atundada, belle che beru ca s’est formada in un’Era prus reghente. Custa est s’habitat ideale pro unu muntone de pugiones chi faghent su nidu intre sas falèsias suas, intre de custas pro nàrrere s’esemplare belle a beru de falcu pellegrinu.
Acanta de Molara b’at fintzas un’àtera isuledda est a nàrrere Molarotto, ue tirat bentu forte.
Oe cust’ùrtima est cunsiderada che a unu de sos santuàrios de su parcu. Si Parcu de Tavolara – Punta Coda Cavallo tenet fintzas sa laguna de Santu Diadoru posta in sa parte meridionale de sa bidda de Santu Diadoru etotu. Est bella meda fintzas si, colende sos sèculos, at pèrdidu s’incantuu suo. Si distinghet dae una fasca longa de cannedu e giunchedu e est afurriada dae una mata mediterànea bassa e dae villas-turìsticu residentziales minoreddas de su bidditzolu de La Suaredda. Fintzas su chirru ocidentale est bastante distintu proite chistit unos cantos piessinnos de sa bisura sua de orìgine, unu matedu tìpiu e saliosu cun paritzos frores, colores e rocas granìticas cun formas particulares e istròllicas.
Sa laguna, in sos annos 50 at connotu paritzos interventos de bonìfica a tales de acontzare sos fossados e sas coreddas chi colaiant in s’oru a sa parte meridionale. De cada manera ant isciusciadu cannedos tìpios e isterrimentas de tifa, unu mantu vegetale piessinnosu e habitat originàriu de paritzas ispècies de pugiones de abba.
In contso duncas, un’òpera de bonìfica chi aiat dèpidu megiorare sas cunditziones naturales de sa laguna chi at cajonadu in parte, s’efetu a s’imbesse, faghende unu degollu in unos cantos tretos prus eciseris de s’istàinu chi oe, a dolu mannu, non bi sunt prus.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.
