Italia Eventi 24
LinguaIT
SU BABEL FILM FESTIVAL: 10 ANNOS DE TZINEMA DE SAS COMUNIDADES MINORIZADAS DE SU MUNDU

ph. Sara Deidda

Dae su 2010 su Babel Film Festival at incarreradu cun sa promotzione de sa tutela de sas limbas de minoria pro mèdiu de su cìnema chi mancu nos la pensaiamus esserete crèschidu gosi a lestru, lompende a tretos de interessu chi ant barigadu sa làcana sarda. Sa prima editzione est, semper e cando, arribada a sa punna de isparghinare una metodologia de s’avaloramentu de sas limbas de minoria cun unu mèdiu espressivu chi intamas aiat semper seberadu sas limbas natzionales, cunsideradas galu oe in die, a tempos malos de su Covid, prus adatas a sos mercados natzionales, a sas piataformas e a sos cuntestos de crèschida e isvilupu sociueconòmicu chi teniant bisòngiu de una comunicatzione chi andaiat a manu tenta cun s’ideologia de su consumu. Sa globalizatzione e su Covid ant isderrocadu sas làcanas de sos Istados natzionales betzos, antzis los ant “ignorados” de su totu.

Est però essidu a campu fintzas chi custu movimentu delocalizante at pesadu tensiones centrìpetas, ischidende comunidades e limbas minores ismentigadas in sos ungrones prus istichidos, torrende abbivamentu e isbetos identitàrios postos a banda dae s’arresonu de sa crisi. In custos 11 annos de vida su Babel Film Festival at sensibilizadu s’atentu semper creschende, fintzas e mescamente dae banda de sas istitutziones subranatzonales – che a sas europeas – pro sustènnere e inghitzare fainas de avaloramentu de sas culturas de su logu che momentos de espressada de sa sienda comunitària, faghende cumpèndere in suspu chi cussa europea illarghiada siat deae unu ghetu ideale una “comunidade manna fata dae comunidades prus minores”.

Sas trassas pro incarrerare podent èssere diferentes, ma naschent totus dae sa voluntade de cumpartzire unu progetu. S’intrada de su Babel Film Festival in sa retza ELEN, European Language Equality Network (https://elen.ngo), acuntèssida a manera ufitziale in Valencia in su 2017, at permìtidu de traballare a una progetualidade cumpartzida in intro de ELEN chi su cìnema potzat èssere unu traste ispantosu pro dare cuncretesa a una faina culturale europea atziva.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español