SU BABEL FILM FESTIVAL: KENTZEBOGHES

Sa cultura – cinematogràfica pro su chi nos pertenet – nos giughet a unu arresonu fungudu a fùrriu de sos còmpitos non petzi che organizatzione, ma fintzas che tzitadinos e comunidades. Su traballu de su Babel duncas non podet èssere feti sa registratzione de su chi esistit giai: depet intamas inghitzare produtziones cinematogràficas. Su cuncursu Kentzeboghes, est un’apenditzu de importu de su progetu Babel e de s’assòtziu, chi promovet s’acumprida de progetos cinematgràficos faeddados in sardu, intèrpretat in sa manera mègius custu progetu de fràigu de s’ammentu linguìsticu e visivu de sos sardos. De importu in custa mirada est fintzas su ruolu de sa Cineteca Sarda, istrutura de servìtziu de sa Società Umanitaria chi faghet cùrrere e ponet capia a unu elementu forte de sa vocatzone autonomìstica de sa Regione Autònoma de Sardigna: sa promotzione de su cìnema de sos sardos, sa progetatzione de s’archìviu audiovisivu de s’ìsula nostra, su fràigu de s’ammentu istòricu de sa sotziedade sarda. Su Babel Film Festival, traballende in intro de sas làcanas dìlicas de sas limbas de minoria (o mègius, minorizadas dae s’ideologia de su mercadu) ghetat s’atentu cara a unu marcu distintivu de sos diritos de tzitadinàntzia.

Onni film torrat a marcare sa chistione chi sa tutela de sas limbas de minoria bolet nàrrere s’istantargiada de sos diritos de sas persones. E un custos frontes si giogat fintzas oe su caràtere, sa natura e duncas sa sorte de sas democratzias ocidentales.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22