Italia Eventi 24
LinguaIT
SU BABEL FILM FESTIVAL: SA MEDIATECA DE SAS LIMBAS DE MINORIA E S’EUROPA

ph. Sara Deidda

In 10 annos de atividade, su Babel Film Festival at postu paris unu archìviu de prus de 950 film faeddados in sas limbas de minoria de su mundu, corpus ùnicu e fundantes de una Mediateca Internatzionale de sas Limbas de Minoria (MILM), chi est a disponimentu de totus. Pro more de custa sienda, su Babel Film Festival bolet fintzas èssere una cronta isparghinadora pro totu sas minorias linguìsticas chi bolent comunicare sa “visione de su mundu” issoro…ca cada limba est una visione de su mundu, mirada dae unu logu piessinnadu chi torrat a sa dimensione identitària: est a nàrrere a logos, persones, culturas, traditziones, ambientes, istòrias, artes, faeddos chi sunt de cussa comunidade ebbia. Calicunu at acostagiadu una limba a una biblioteca, ma pro de beras est meda de prus. Si onni limba est “una visione de su mundu”, sende gasi, ischit a propònnere cussa ograda chi sa mirada cinematogràfica podet torrare in manera distinta. Ca su cìnema est ogru, ma est fintzas origra… est ispàtziu, ma est fintzas tempus… est coladu, ma est fintzas benidore.

Lu mustrat su film chi faghet de anteprima a custa chi est sa de 7 editziones de su Festival, L’atlante della memoria, ammentende sa figura e s’òpera de su linguista friulanu Ugo Pellis, chi in su biàgiu suo in sos annos ’30 intre Friuli e Sardigna, fiat resessidu a cassare s’iscampullitu – pro more de s’istrumentu fotogràficu – chi su presente suo nde testimòniat sas tratas diferentes de su passadu in ue si progetat sa sustenibilidade de su benidore. Una sustenibilidade assegurada fintzas dae sa Carta Europea de sas limbas regionales o de minoria – aprovada dae su Consìgiu de Europa in su 1992 – chi cheret tutelare e promòvere sas limbas regionales o de minoria che partes de su patrimòniu culturale europeu in arriscu de iscumpàrrere e reconnoschet prus a notu una limba regionale in unu Paisu che “espressada de una cultura regionale distinta dae sa cultura de su Paisu etotu”.

Un’atòbiu de importu de sa de 7 editziones de su Festival nostru est dedicadu a su percursu de ratìfica de sa Carta dae banda de s’Italia. Su Babel Film Festival , in cuncordu cun ELEN, donat impèllida e sustenet fainas polìticu-culturales non petzi de chistida e tutela forana, eterodireta, ma promovet dinàmicas de autoavaloramentu e autopromotzone chi s’acarant cun impèllidas de autodeterminatzione dae un’ala e de resilièntzia a s’atera banda. Sas chistiones de sa limba oe s’insertant in unu cuntestu in ue sas fortzas chi si moent in tretos neoliberistas e protetzionìsticos torrant a pònnere in duda sos matessi princìpios democràticos. In custa editzione agatamus paritzos film in ue sas istòrias contadas mentovant a custas fortzas invisìbiles chi ordimìgiant e ispitint sa resistèntzia de sas persones e de sas limbas.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español