Italia Eventi 24
LinguaIT
Su “Fèstival Etnia e Teatralidade” 

Torrat a mòvere dae su Tzine Teatru Astra s’apuntamentu de ònnia annu cun su “Fèstival Etnia e Teatralidade”, in programma in Tàtari dae s’11 de santandria de ocannu a su 20 de freàrgiu de su 2022. Sa rassigna, cuncordada dae sa Cumpangia Teatru Tàtari, cun su patrotzìniu de su Comune de Tàtari e de sa Regione Sardigna e dedicada a su babbu suo Giampiero Cubeddu, torrat a mòvere a pustis chi sa pandemia aiat firmadu s’editzione de su 2019 e aiat impeigadu su cuncordu de cussa de su 2020.

 

In fines, su sipàriu est prontu a si abèrrere pro sa de XXXI editziones, chi previdet unu programma cun oto ispetàculos.

 

De s’abertura de su Fèstival, giòbia 11 de santandria, si nde at a incurare sa Cumpangia “Effimero meraviglioso”, chi at a portare in iscena “Cheria bìere su chelu” de Massimo Carlotto. Maria Assunta Calvisi contivìgiat sa regia de custu dramma fungudu chi tenet a protagonista a una fèmina chi non si nde connoschet nemmancu su nùmene, interpretada dae Miana Merisi.

 

Su Fèstival sighit chenàbura 19 de santandria cun “Carla o in contu de èssere nois etotu” de sa Cumpangia I Barbariciridicoli. S’ispetàculu est una rapresentatzione teatrale autobiogràfica iscrita dae Carla Baffi paris cun Tino Belloni chi nde contivìgiat fintzas sa regia. A subra de su parcu non bi sunt atores ma est sa fèmina protagonista etotu chi contat sa vida sua, cun una fortza ispantosa e èpica. Carla Baffi, 55 annos, e de custos 53 bìvidos comente a Enzo Giagoni – cun 30 annos de servìtziu in sa Politzia, cun una fìgia de 30 annos e una coja chi est durada 24 annos – in su 2013 in Terranoa si sarvat dae su tziclone “Cleopatra” chi nche li istratzat dae manos a sa figighedda Morgana, de 2 annos ebbia, paris cun sa cumpàngia noa sua, Patrizia, e cun sa vetura. A ambas duas nche las ingullet su frùmene de abba e ludu. S’annu in fatu a Enzo, pro sa faina sua de voluntàriu in agiudu de sos aundados de Gènova, li dant su “Prèmiu Bonidade Antonio Degortes” comente a sìmbolu de fortza de voluntade e de mudadura.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español