Italia Eventi 24
LinguaIT
SU TRIGU ANTIGU SARDU IN D-UNU LÌBURU

In Sardìnnia nci teneus paricis calidadis de trigu antigu chi oindii megant de sparessi. Custu po mori de bolli circai su guadàngiu amarolla, lassendi sceti is chi produsint de prus ma faendi smenguai su nùmeru de is calidadis de trigu, sa biodiversidadi chi ddi nant. Custa chistioni est s’argumentu de su lìburu Trigu, imprentau de Alfa Editrici, editori stòricu isulanu, ghiau de Maria Maròngiu, chi est annus pubrichendi temas de sa curtura nosta. Is autoris funt Franciscu Maxia e Verònica Atzei, s’unu messaju specializau in biodiversidadi e s’atra maista de lìnguas specializada in sardu. Is duus autoris si funt partzius su traballu, Atzei scriendi de sa diversidadi linguìstica de is nòminis de su trigu sardu chi nd’at pòtziu arregolli, e Maxia movendi de sa passioni sua po sa biodiversidadi e de totu is scedas chi nd’at boddiu in tant’annus de traballu in su sartu.

A cuncordai sa faina nc’ant postu duus annus, ca gei ddu scieus ca is fueddadas sardas tenint variabilidadi manna e a bortas est malu a cumprendi de cali trigu seus chistionendi e cali est su nòmini scientìficu chi ddi torrat. Custu est unu lìburu de vàllia, po sa parti linguìstica e po sa parti de sa messarìtzia, fatu cun cuscièntzia e cumpetèntzia. S’arrichesa de sa lìngua sarda est in perìgulu, cumenti funt in perìgulu totu is lìnguas de minoria chi funt arrischendi de sparessi, e dònnia passiteddu chi faeus po firmai custu arrori est unu passu beni postu, e po su trigu sa pròpiu cosa, is variedadis sardas funt torrendi a nudda po ponni infatu a su guadàngiu, sceti ca perou in d-unu tempus longu, custu scioberu s’at a lassai prus pòburus puru. Ca su chi depeus fai est a puntai a s’originalidadi de sa curtura nosta e no sceti a is nùmerus, ca inguni perdeus. E custu balit po sa lìngua e po totu s’atru puru.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español