Italia Eventi 24
LinguaIT
Tàtari: progetos de inclusione pro persones cun disabilidade. Movet su bandu pro criare partenariados

Su Setore de is Polìticas sotziales de su Comune de Tàtari, in intro de su Plus cun sos Comunes
de Portu Turre, Sossu e Istintinu, at publicadu in sa pàgina www.comune.sassari.its’avisu Includis
2021 pro regòllere manifestadas de interessu pro criare unu partenariadu: sa tarea est de
progetare paris e pònnere cambas a progetos de inclusione sotziale e de traballu de persones cun
disabilidade. Sas domandas cherent mandadas a su Comune de Tàtari – Setore de sas Polìticas,
de sos Servìtzios e de sa Coesione sotziale – cun sa PEC a
s’indiritzuprotocollo@pec.comune.sassari.ita intro de mesudie de su 15 de santugaine de su
2021. Sunt invitados a bi leare parte sos entes pùblicos e sas organizatziones de su de Tres
Setores.
A pustis de s’esperièntzia positiva de su progetu ReciprocaMente incarreradu in su 2018 e
agabbadu in su 2020, cun 71 tirotzìnios nàschidos pro s’inclusione ativa de persones cun
disabilidade, su Comune de Tàtari, cun s’avisu Includis 2021, amegat de chircare sugetos partner
pro progetare paris un’interventu nou pro su promovimentu de unu sistema de servìtzios pro
favorèssere s’intrada in su traballu de persones cun disabilidade.
Su progetu punnat a afortigare is capatzidades de sotzializatzione e, a manera prus generale, a
favorèssere s’intrada partetzipada de is persones disàbiles in su mundu de su traballu. Si cheret
fàghere crèschere s’ocupatzione e sa partetzipatzione in su mercadu de su traballu cun s’isvilupu
de àndalas diferentes integradas de inclusione ativa e de agiudu pro favorèssere sas relatas
sotziales e de traballu de sos sugetos cun disabilidade presentes in su territòriu de su Plus.
Progetos che a custu oferint possibilidades noas in sa vida de ònnia die, siat a sos tirotzinantes,
siat a sas siendas chi los acasàgiant e chi giai in s’editzione passada ant espressadu su presu
issoro pro àere seberadu de leare parte a su progetu.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español