Italia Eventi 24
LinguaIT
Temporada in Sardigna

Allerta mèteu groga pro totu sa die de oe in Sardigna. S’avisu l’at bogadu s’Amparu tzivile pro more de nie, bentu e de su mare inchietu chi pertocant una parte manna de s’Ìsula. Una cunditzione de passada cun temporadas e nie chi, segundu s’ufìtziu mèteu de s’Aeronàutica, diant dèpere minimare giai dae sa die de cras.

In s’interis sos frocos biancos si sunt bidende giai a artesas no mannas meda: intro de sos 400 e sos 500 metros a subra de su livellu de su mare. S’Amparu tzivile regionale ammentat chi in sa bia istatale 131 (in su pranu de Campeda) b’est s’òbligu de portare sas cadenas in sa màchina o de pònnere sas gommas de ierru (de nie) e racumandat a sa gente, cando b’at temporadas, de “abarrare in domo e, si calicunu est in unu logu mesu interradu o in su pranu terra, de nche pigare a sos pranos artos”.

In prus, cussìgiant de biagiare in màchina si est pretzisu ebbia e de si informare semper de s’andamentu de su tempus, de sos mèdios de leare e de sas protzeduras de sighire segundu sos inditos de sas istruturas de su territòriu de sa Protetzione tzivile.

E pro neghe de sas cunditziones de su mare ant suspèndidu sos cullegamentos intra de sa Sardigna e sa Còrsica, mentres b’at istorbos mannos in su tretu de mare in dae in antis de Carloforte. Est firmu dae tres dies, pro more de su mare inchietu, su traghetu Moby chi biàgiat in su tretu Lungoni-Bonifàtziu. A totu su tràficu de mare cara a s’ìsula de Santu Pedru (Carloforte) l’ant fatu cambiare diretzione, imbetzes, dae s’iscalu de Portuvesme a cussu de Cadesedda, cun sos matessi oràrios e sa matessi nave.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español