Italia Eventi 24
LinguaIT
Unu bentu forte a molinadura at interessadu su Nord de Sardigna: si contant sos dannos

Una molinada mala de bentu africanu forte at interessadu unas cantas tzitades e
cussòrgias de sa provìntzia de Tàtari, a manera particulare Tàtari etotu e s’Alighera,
lassende una bia de cartellos furriados, àrbores rutos (medas a subra de sas veturas),
coberturas de palàtzios e de àteros fràigos iscobercadas. Si comintzant a contare sos
dannos e si comintzat a illetzire su logu dae totu su bascaràmene tragadu dae sa fortza de
su bentu. Sas iscuadras de emergèntzia ant fatu prus de chimbanta interventos in unas
cantas biddas de sa provìntzia de Tàtari.
Sa molinada at ingendradu dannos mannos in Tàtari in sos bighinados de Latte Dolce e
de Santa Maria de Pisa: coberturas iscobercadas in bia de Colombo, un’àtera cobertura
de unu palàtziu de unas duas mìgia metros cuadros nch’est imbolada a subra de sas
veturas parchegiadas a suta e nd’at prenu totu sa bia.
In S’Alighera nd’est rutu un’àrbore mannu de opinu in s’opinedu de sas Bombardas e est
dèpidu intervènnere s’Amparu tzivile pro permìtere a unos cantos bagnantes de si nde
andare in seguresa. In s’aeroportu “Costera de su coraddu” de Fertìlia su bentu a
molinadura nch’at furriadu a rodas in susu un’aparèchiu ultralèbiu. Fintzas a sa
Capitaneria de portu l’est tocadu de intervènnere in mare pro sucùrrere unas cantas
barcas a vela chi fiant impignadas in una triva in su Golfu de S’Alighera. In Portu Ferru sa
Guàrdia de Costera at sarvadu a duos villegiantes chi aiant domandadu “agiutòriu” pro
more de sas cunditziones de su mare chi non permitiant prus de guvernare sa barca
issoro. In unas cantas biddas, dae Sènnaru e Sossu a S’Ulumedu, traballu mannu pro sos
Vìgiles de su Fogu, pro sas cumpangias de sos barratzellos, pro sos operajos de
Forestas, pro sos voluntàrios de sa Misericòrdia de s’Amparu tzivile, pro sa Politzia locale
e pro sa Guàrdia forestale. Pro sorte manna in sa molinada non s’est ingortu nemos, ma
su degòlliu est mannu.
In sas dies imbenientes s’at a fàghere prus a fine su contu de su dannu chi su bentu a
molinadura at ingendradu.

A.I.G

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español