Italia Eventi 24
LinguaIT
3 libros de lèghere pro Mesaustu

Mesaustu dae semper cheret nàrrere vacàntzia, pasu e recreu, duncas cale mègius momentu pro si ghetare a sa leghidura de totu sos libros lassados in su comodinu isetende a los lèghere?

Si però in su comodinu non bi tenides nudda isetende, acò carchi cussìgiu de leghidura pro bos fàghere cumpangia.

Est seguru chi amus seberadu libros sardos o ligados in carchi manera a sa Sardigna.

Comintzamus cun un’autora sarda chi a nois nos agradat meda non pro s’iscritura e sa creatividade ebbia, ma finas pro sa personalidade garbosa chi tenet. Non podet èssere in àtera manera, bidu chi s’atividade de famìllia est sa produtzione de mele. Semus faeddende de Cristina Caboni, su romanzu chi bos cussigiamus est La custode del miele e delle api. Sa protagonista est Angèlica, chi no est resurtada mai a pònnere raighinas. No at chertu mai creare ligàmenes cun nudda e cun niunu, pronta semper a si nche fuire dae totu pro timoria. B’at unu logu ebbia in ue s’intendet in domo e est in mesu de sas abes suas.

Andamus a in antis cun unu libru chi podimus nàrrere “obligadu”: Passavamo sulla terra leggeri. Est unu romanzu de Sergio Atzeni, publicadu in su 1996 a pustis de sa morte, contadu comente a s’òpera sua prus de importu e prus lèghida. Est un’ammentu de s’istòria de Sardigna in forma de romanzu, iscrita comente contu orale de memòria. No est una leghidura fàtzile ma bos asseguramus chi in s’ùrtima pàgina ais a tènnere sa cussèntzia de su donu mannu lassadu dae custu grandu autore chi non si podet ismentigare.

In ùrtimu, bos cussigiamus un’autora, custa borta non sarda: Rita Coruzzi, grandu iscritora de s’ùrtimu romanzu dedicadu a sa figura de Lionora de Arbarè, La Giudicessa. Faeddat de sa vida de Lionora a pitzinna, istimada dae su babbu Marianu chi no istentat a cumprèndere sa personalidade de cumandante giusta e cussentziosa de sa fìgia. Sa Giuighissa, mancari sena de tènnere vida fàtzile, at a mandare a in antis sa bisione de su babbu e de sos sùdditos suos de una terra lìbera e pròspera.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español