In Sardigna sa Pasca Manna si festat non solu cun sos oos de tziculate. In s’ìsula nostra b’at medas retzetas tìpicas, chi tenent traditzione manna e chi sunt ispetzialidades bellas in custu tempus: Bidimus 5 retzetas durches: 1. Sas Pàrdulas o casadinas. Sunt unu durche tìpicu de stu tempus de Pasca chi est preparadu cun una canistedda de pasta prena cun unu reprenu de soru de arbeghe, tzafaranu e aràngiu e limone. Sunt una delìtzia e si faghent in maneras diferentes, finas salidas.   2. Cocoi cun sou. Un’àtera retzeta sìmbulu de Pasca su Cocoi cun s’ou, chi est unca canistedda de pane sardu cocoi decoradu chi portat unu ou in mesu, cotu totu paris a su pane in su forru. Est una retzeta chi si fahget prus che totu pro sos pipios. Li narant finas angùle, coccoeddu o bibilliu. 3. Pastìssiu de mèndula. Sunt durchigheddos cun mèndula, bellos a papare e de bìere. Si faghent cun una canistedda de pasta fine prena cun pan di spagna de mèndula ammuntadu cun una capa decorada a manera fine meda. 4. Mustatzolos. Sunt durches moddes a forma sumbu tìpicos de Aristanis, cun aroma de cannella e limone. Pro los preparare bi cheret tempus meda pro ite pro lievitare bi cherent dies meda. 5. Pirichitus. Sunt pistocheddos de limone tipicos de su campidanu, tundos, podent èssere prenos o bòidos e sunt amuntados dae una capa de tzùcoro aromatizada cun limone. Sa Pasca sarda est rica de durches bellos e nuscosos, fìgios de una traditzione manna meda. T.C. Attività realizzata col contributo della Regione Sardegna – IMPRENTAS 2020-2021. LR 22/2018, art22