Italia Eventi 24
LinguaIT
5 monumentos naturales de sa Sardigna ùnicos de visitare

Sa Sardigna est sa regione de Itàlia cun su nùmeru prus artu de monumentos naturales e de àreas protetas, cun parcos naturales e monumentos ùnicos. Bidimus 5 de custos monumentos fatos dae sa natura chi sunt òperas de arte.

S’orgiastu millenària de Luras in sa localidade de Santu Baltolu di Carana. Est una mata de prus de 3000-4000 annos, sa prus antiga de Itàlia e una de sas prus antigas de Europa. Sa tzirconferèntzia sua est de prus de 12 metros pro una artària de 14: est unu gigante de sa natura chi paret casi biu cun totu sas naes suas.

Sa mitza de Su Gologone in Ulìana. Est una mitza càrsica, sa prus de importu in Sardigna pro s’abba chi portat, est unu ispetàculu de sa natura: s’abba sua est semper frisca, pura e cristallina e nde bessit dae unu trèmene chi ancora non s’ischit cantu siat profundu. Sas abbas suas intrant in su frùmene Cedrino.

S’Orso de Palau. Est una pedra granìtica chi pro more de s’erosione naturale at pigadu sa forma de unu urtzu chi abbaidat su mare ananti de isse dae unu monte chi ddi narant Capo d’Orso. Sa figura sua si podet connòschere dae atesu mannu e in tempos antigos fiat imperada finas comente riferimentu pro sos navigantes.

S’Archittu de Santa Caderina. Est in su territòriu de Cùglieri e est su chi abarrat de una grupa iscavada in sa roca. Faghet unu arcu caraterìsticu in mesu a su mare in logu ispantosu.

Punta Goloritzè acanta de Baunei.
Mancari chi su nòmene sua siat custu non semus faeddende solu de una punta ma de medas rocas chi si sunt formadas pro more de s’erosione naturale. S’elementu prus caraterìsticu es sa chi ddi narant “aguglia a tramontana” o Punta Caroddi: est ua roca puntuda a forma de piràmide arta 143 mt slm e 100 mt relativos, chi s’est formada pro more de s’abba e de su bentu. Un’àtera roca caraterìstica de custu logu est unu arcu de roca chi s’agatat in subra de s’abba in sa pràia de Cala Goloritzè.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

 

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español