Italia Eventi 24
LinguaIT
Abertas sas iscritziones pro su Film Fèstival “Fiorenzo Serra” 2021

Fintzas a su 23 de cabudanni sunt abertas sas iscritziones a s’editzione 2021 de su Film Fèstival “Fiorenzo Serra”, su cuncursu europeu prus de importu in contu de tzìnema etnogràficu, cuncordadu in Tàtari dae su Laboratòriu de antropologia visuale de sa Sotziedade Umanitària. Sa rassigna at regortu in sos ùrtimos duos annos prus de 1500 film e est oramai unu riferimentu in su panorama tzinematogràficu de totu su mundu: pro custa editzione – e est sa prima borta chi acontesset – sunt giai lòmpidas pellìculas dae totu e sos chimbe continentes.

 

Su tema seberadu pro su 2021 est “Mundos de abba”. Su rolu de s’abba, cunsiderada comente a elementu biològicu e culturale, dae semper est de importu mannu pro sa vida ma fintzas pro s’evolutzione de sas tzivilidades, pro sas mudaduras de s’ambiente, in sos ritos de majìngiu e in cussos religiosos. Comente in sas editziones passadas, a prus de sa categoria printzipale si previdet unu cuncursu pro sos film foras de tema, dedicadu a Antonio Simon Mossa, cumpàngiu de traballu e amigu de Fiorenzo Serra, e unu prèmiu ispetziale assignadu dae sa Sotziedade Umanitària. A su binchidore de sa categoria mesanos-longosmetràgios de su Fèstival “Fiorenzo Serra” l’ant a tocare 2.500 èuros, mentras a su de duos classificados l’ant a tocare 1.500 èuros; pro sa categoria curtzosmetràgios sos prèmios sunt de 1.000 èuros pro su primu postu e de 500 èuros pro su de duos. Sos film mègius de su prèmiu “Mossa” ant a retzire 1.000 èuros (mesanos-longos) e 500 èuros (curtzos). Milli èuros, in fines, ant a tocare a su binchidore de su prèmiu “Umanitària”.

 

S’editzione de ocannu acontesset a chentu annos giustos dae sa nàschida de Fiorenzo Serra e torrat paris cun su de chimbanta annos giustos dae sa morte de Antonio Simon Mossa. Pro cussu, pro s’agabbu de su cuncursu chi at a èssere in su mese de santandria, a sos duos tzineastas los ant a ammentare in un’addòbiu pùblicu. Su Film Fèstival “Fiorenzo Serra” lu cuncordant a manos de pare cun s’Universidade de Tàtari – Dipartimentu de Istòria e Iscièntzias de s’òmine, cun s’agiudu de sa Regione Sardigna.

 

A.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español