Su mare cristallinu de sa Sardigna est su set de sa aventuras de AcquaTeam–Missione Mare, special tv in animatzione e ripresas, in onda in prima tv su Rai Yoyo lunis 22 de martzu a sas 8 e mesu e in anteprima esclusiva in RaiPlay. Una produtzione Rai Ragazzi e Graffiti, cun su coro Antoniano Bologna, pro ammentare s’importàntzia de s’esploratzione de de sa tutela de su mare, “prumone blu” de su pianeta, proposta in ocasione de sa die mondiale de s’abba istituida in su 1992 dae sas natziones unidas a pustis de su Summit de sa Terra de Rio, prima cunferèntzia mondiale de sos capos de Istadu subra de s’ambiente. Una aventura ispantosa intre de pràias, fundales e creaturas marinas, in defensa de su mare contras a s’incuinamentu, chi tenet comente a protagonista una copia istrana meda; sa superbiologa marina Marysun, versione animada de s’esperta biologa marina Mariasole Bianco, apretziada dae su pùblicu televisivu pro sos interventos suos in Kilimangiaro in Rai 3, e s’assistente sua, unu prupu de milli resursas numenadu Otty. Totu paris formant s’AcquaTeam, una iscuadra ispetziel semper pronta a si ghetare intro sas prendas de su mare pro las defensare, e issaras “Totus in fundu a su mare pro salvare su mundu”! Sos duos esplorant su Mare de Sardigna cun su “Catamarino” supertecnològicu insoro e una piztinnedda chi ddi narant Desy. Dae in cue ammirant sa fàuna e s’ambiente chi paret lìmpiu, ma cano isvatat s’”allarme plàstica”, chi minetat sos capodòllios s’Acqua team intrat in atzione pro los salvare. T.C. Attività realizzata col contributo della Regione Sardegna – IMPRENTAS 2020-2021. LR 22/2018, art22