Italia Eventi 24
LinguaIT
Aristanis: seguresa – In servìtziu àteras 31 telecàmeras de sa retza de vìdeu-miramentu

In Aristanis sunt intradas in servìtziu àteras 31 telecàmeras de sa retza comunale de vìdeu-miramentu. Cun custu cuncordu in logos diferentes de sa tzitade e de sas fratziones, sa retza de vìdeu-miramentu faghet unu passu in dae in antis de importu, sende chi las ant cuncordadas in cussas zonas in ue in sos meses passados b’at istadu carchi problema de seguresa pùblica.

“Aristanis aiat pigadu parte a unu bandu de sa Regione sarda e l’aiant finantziadu paris cun àteros 369 comunes sardos – narant su sìndigu Andrea Lutzu e s’assessora de sa Seguresa Maria Bonaria Zedda. Oe, gràtzias a su finantziamentu regionale de 200 mìgia èuros e a una parte de cofinantziamentu comunale de 37 mìgia èuros, ponimus cambas a unu progetu chi nos permitit de respetare s’impignu chi aìamus leadu a pustis de s’undada de furas in sas domos chi aiat interessadu unos cantos bighinados de sa tzitade, comente a Torangius”.

Sas telecàmeras apenas intradas in funtzione sunt de ùrtima generatzione, a definitzione arta (4K), cun vìdeu-analizu intelligente e mandada de sos vìdeo a una sala server e a sa tzentrale de sa sala operativa de su Cumandu de Politzia locale, pro una gestione segundu sas règulas de su Garante in contu de privacy, comente cheret sa normativa europea.

Sas telecàmeras las ant postas in 18 logos istratègicos de sa tzitade, 6 in Turri Manna, 3 in Silì, 2 in Donigala, 1 in Màssama e 1 in Nuraxinieddu.

In Aristanis su sistema de vìdeu-miramentu est funtzionende dae su 2013 cun 21 telecàmeras a definitzione arta collegadas a una tzentrale operativa, assegurende su miramentu de logos de importu de sa tzitade. A pustis b’ant atzuntu àteras telecàmeras, lompende fintzas a sas 66 telecàmeras chi sunt ativas oe in die.

SardegnaEventi24.it

1692 eventi pubblicati

493 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español