Italia Eventi 24
LinguaIT
Atòngiu in Barbàgia in sos annos de su Coronavirus

A pustis chi in su 2020 non si fiat pòdidu cuncordare pro more de sa pandemia de su Coronavirus, Atòngiu in Barbàgia torrat ocannu cun una bestimenta noa, siat pro su chi pertocat sa seguresa, siat pro su chi pertocat su programma.

Sa de bintighimbe editziones torrat a cumentzare dae s’11 de cabudanni, cun su primu apuntamentu in Ulìana pro Cortes de Ulìana.

In programma b’at un’àndala esperientziale de una die intrea. Sa mòvida est in cambaradas de 15 persones totu su prus, acumpangiadas a totu die dae una ghia. Sa bìsita a ònnia corte tenet dura de 20-25 minutos e at a ofèrrere a sos chi bi leant parte un’esperièntzia in contu de sas fainas prus de importu de Ulìana e de sos produsimentos de su connotu de sa bidda in pees de su Corrasi. Dae sa una a sas tres b’est sa firmada pro gustare (in su prètziu de su billete non b’est su pràngiu). Unu biàgiu sensoriale intra de màndigos, nuscos, produsimentos artesanales, mùsica e càntigos.

Sa manifestatzione culturale pro su promovimentu de sa Sardigna de a intro, in sos montes de su Supramonte, ocannu s’at a fàghere in trintaduas biddas e at a fàghere a bi leare parte prenotende in antis e mustrende su Lassapassare birde. Totu sos operadores chi ant a pigare parte a custos addòbios, comente at apostivigadu s’Ats de Nùgoro, los ant a sutapònnere a un’averiguadura pro prevènnere sa Covid-19, a manera chi sas manifestatziones si potzant fàghere in seguresa.

Sos apuntamentos de su mese de cabudanni sunt tres: a pustis de Ulìana, su 18 e su 19 at a tocare a Durgali e su 25 e su 26 sa manifestatzione at a tramudare a Orane. Ocannu, pro more de sas cunsighèntzias graes de s’undamentu chi at degolliadu sa bidda in s’atòngiu de su 2020, at a mancare Bitzi, chi agiomai semper cumentzaiat sa rassigna.

Ocannu, comente narant sos promovidores de sa manifestatzione, sa Càmera de Cummèrtziu de Nùgoro e sa sienda ispetziale de s’ente Aspen, su programma s’at a cuncordare mese cun mese, cunforma a comente totu at a andare sa pandemia, ma s’ispera est de lòmpere a una pertzentuale de vatzinados chi permitat de fàghere custa e àteras manifestatziones in Sardigna sena de sa timoria de nde piscare sa Covid-19.

 

A. G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español