Italia Eventi 24
LinguaIT
BABEL FILM FÈSTIVAL – IN LÌNIA SA DE SETE EDITZIONES DE SU CUNCURSU

Su bandu de iscritzione a su cuncursu tzinematogràficu internatzionale pro sos produsimentos in sas limbas de minoria est in lìnia.

Un’impènniu culturale fungudu cussu de su BFF e de sos tres diretores artìsticos suos, Antonello Zanda, Tore Cubeddu e Paolo Carboni, iscumproadu in su tempus fintzas dae sos reconnoschimentos a livellu internatzionale e natzionale retzidos pro sas editziones passadas: su patrotzìniu de sa Presidèntzia de s’Unione Europea e de s’UNESCO, de sa Presidèntzia de su Consìgiu de sos Ministros, de sa Camera de sos Deputados e de su Senadu de sa Repùblica, de su Consìgiu de Europa, de s’ANCI e de ELEN (European Language Equality Network).

A prus de sa projetzione de sas òperas in cuncursu no ant a mancare addòbios a su costàgiu comente a masterclass, addòbios cun espertos de su setore de su tzìnema e de sas minorias linguìsticas, cuntzertos e ispetàculos, apoderende firma s’identidade de unu fèstival semper atentu a sos bisòngios de su pùblicu.

Comente a semper si prevident prèmios meda, e no in dinari ebbia, gràtzias a sa collaboratzione de sos partner meda de su fèstival. Si torrat a cunfirmare su Prèmiu Italiymbas – chi comente a semper s’at a firmare in Martignano, Ùdine, Catània, Ostana e in unas cantas biddas de s’ìsula – e sos prèmios AAMOD, FEDIC e FICC, Universidade de Casteddu, Iscola de tzìnema de Ostana e Diàrios de tzineclub.

Su Fèstival est partzidu in duas setziones: sa setzione ufitziale e sas setziones a costàgiu. Cussa ufitziale at a acasagiare film faeddados in sas limbas de minoria cun una pertzentuale prus arta de su 50 %.

Sos film los at a apretziare e giuigare sa Giuria Babel chi at a assignare sos prèmios pro su mègius longumetràgiu, su mègius curtzumetràgiu fiction, su mègius documentàriu curtzu.

A sa parte de su cuncursu de sas setziones a costàgiu, chi si nde ant a incurare Giurias diferentes, bi pigant parte fintzas film in ue sas limbas de minoria sunt presentes pro prus pagu de su 50 %.

S’iscadèntzia ufitziale pro s’iscrìere a su Fèstival est su 30 de làmpadas de su 2021.

Àteros informos in contu de sas editziones betzas e in contu de su bandu nou s’agatant in sa pàgina Internet de su Fèstival, in s’indiritzu http://www.babelfilmfestival.com/ .

SardegnaEventi24.it

1676 eventi pubblicati

479 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español