Biddexidru est una bidda chi est a pee de su Monte Linas, cun sa bisura sua distinta chi dòminat sa badde a in antis suo. Famada in totu s’ìsula pro sos agrùmenes suos, Biddexidru depet custa vocatzione a sos feudatàrios chi aiant cumandadu in su 1500. In cussos tempos bona parte de su territòriu fiat galu tutadu de padentes, chi los aiant segados a fùrriu de sa metade de su 1700 cando aiant fraigadu sa fonderia manna de Biddexidru.
Colada su prus de s’istajone minerària fiant istados sos frutos de sa terra chi nche aiant istantargiadu sa bidda, famada, in prus chi pro sos agrùmenes giai mentovados, fintzas pro s’olia, s’orticoltura e mescamente pro sa cherèsia chi nde faghent una sagra sa matessi die de sa festa de Santu Giusepe. In su circundàriu s’agatant iscenàrios naturales ispantosos, intre de custos s’istrampu de Sa Spèndula (arribende dae S. ‘Èngiu si fùrriat a dereta a su primu semàforu de sa bidda), formada dae su Riu Coxinas e est una de sas pagas spèndulas perennes de s’ìsula. Sa bellesa sua l’aiat vantada D’Annzunzio cando fiat istadu pagu tempus in ie.
Un’àteru giassu naturalìsticu de incantu mannu est sa foresta demaniale de Montimannu, chi si nche lompet dae un’istrada sinnalada bene (in sa dereta) andende cara a Silìcua. Pro sos amantiosos de trekking o pro chiesisiat amet sas passigiadas, su logu si podet bisitare totu sena peruna autorizatzione. Bi sunt intamas restritziones pro chie si cheret mòere cun sos automezos ca bi cherent permissos chi donat su corpus forestale.
AIG
Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.
