Italia Eventi 24
LinguaIT
BURRANCA MAISTU DE SU ‘900

Dionigi Burranca est stètiu unu sonadori sardu de su noixentus, aici narat su tìtulu de su lìburu cuncordau de Tonino Leoni e de s’assòtziu curturali Sonus de Canna. Ma Tziu Dionisu est stètiu de prus meda, po dda segai in curtzu, unu de is sonadoris de launeddas prus mannus de su sèculu passau, cun d-una vida prena prena de mùsica e de atòbius. Leoni at stèrriu 500 pàginis de testimonia cun sa stima chi podit tenni unu scienti po su maistu cosa sua.

Su lìburu inghitzat cun is presentadas de Ignazio Macchiarella, etnomusicòlogu de s’Universidadi de Casteddu, e de Gianfranco Meloni, presidenti de su Assòtziu Launeddas Sardìnnia, chi bantant custu traballu de importu, e sighit cun is fueddus de Leoni e Roberto Milleddu e sa vida de su maistu contada de issu etotu a Luc Meissonnier. Unu documentu stòricu chi si fait cumprendi cumenti arrexonàt s’òmini, cali fiat su mundu anca biviat e cumenti si pensàt sa mùsica sua. Is maistus chi at tentu, cumenti at imparau a sonai, is primus bessidas, sa famìllia, sa bidda e sa Sardìnnia de intzandus e is atrus sonadoris de cussus tempus. Sighendi a ligi connosceus sa teoria musicali de issu, is arrelatas cun studiosus cumenti a Bentzon, Lomax o Carpitella, is cuntzertus internatzionalis, is discus, is atòbius cun Ornette Coleman o Ravi Shankar, is scientis de issu, foresus puru, cumenti a is fradis Mariani, Luca Balbo e Massimo Nardi. Impari a totu custu, in su lìburu ddui agatais s’arregordu de is scientis, de is chi ant traballau cun issu e de is fillus. Serrant su volùmini is scritus de studiosus cumenti a Lutzu, Giannattasio, Pacini e Giuntini.

Medas funt is fotografias e is còdixis QR po s’ascurtai is sonadas suas. Tocat a torrai gràtzias a s’autori e a is chi ant agiudau po custu traballu spantosu, una prenda de oru po totu is sardus.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español