Italia Eventi 24
LinguaIT
CHISTIONIS DE STÒRIA SARDA CUN CATERINI

Ita sutzedit candu fillu tuu depit fai is còmpitus de stòria ma in su lìburu de issu de stòria sarda no ddui at nudda? Custu est un’esempru chi at fatu Fiorenzo Caterini, s’antropòlogu chi est annus studiendi is chistionis de sa storiografia sarda, e fortzis est stètia sa scusa po scriri custu volùmini chi arrexonat pròpiu de custas cosas. Ita acabu at fatu sa stòria sarda in is lìburus chi is pipius nostus stùdiant in scola? No ddui est, eus nau, e intzandus poita no ddui est?

Cumenti benit a essi chi sa tzivilidadi de is nuraxis siat nomenada a lestru a lestru cumenti a una cosa de pagu contu, candu est stètia una cultura potenti chi nd’at strantaxau assumancu 10000 turris e at lassau brunzitus e arrastus de dònnia genia? E poita eus abetau 40 annus po aconciai is Gigantis de Monti ‘e Prama? E is Shardana chi no fiant sardus e chini fiant?

Bellas preguntas chi iat a tocai a ddis torrai un’arrespusta, ma a bortas sa cosa est traballosa. Sa chistioni est matanosa ca su contai sa stòria no est totu paris, ca in mesu si nc’amesturant atras chistionis, polìticas po su prus. E aici benit a essi ca sa curtura nosta sparessat de sa stòria, cudda chi si contant is atrus, cumenti ddis torrat prus a contu, e duncas sparessint is nuraxis e totu s’atru puru. E sa Sardìnnia nci dd’acabat a essi un’arroca spèrdia in mesu ‘e mari, anca ddui bivint pastoris e messajus sèmpiri certendi e abetendi sa gràtzia de calincunu sarbadori stràngiu. Custu poita po sa Sardìnnia logu no ndi ddui at in sa narratzioni stòrica continentali, tropu diversa, tropu atesu e chi scuncordat totu su contu. E duncas cumbenit chi is sardus pensint de bivi in d-unu logu chentza ‘e stòria, sèmpiri conchistau, e imparint sa stòria allena, de is ùrtimus arribaus, citius e mudus. Ca aici cumbenit ma no a is sardus.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español