Italia Eventi 24
LinguaIT
Colaiamus in sa terra lèbios

S’ùrtima òpera de Sergio Atzeni. Sa serrada de su chircu de unu contadore ruet cun s’acabbu de sa vida sua. Unu romanzu, un’istòria, unu manifestu icònicu de sa Sardigna e de su pòpulu suo: sos Sardos.

Pro mèdiu de sa boghe de su Deo contadore Antoni Setzu si contat su biàgiu in su tempus, in s’ispàtziu e in intro de su pòpulu de sos dantzadores: sos sardos dae s’allega antiga S’ard chi bolet nàrrere Dantzadores de sos Isteddos.

Su contu de sa Sardigna est contada in manera a-istòrica, lùdica ma nde bogat s’impinnu èticu e sas cumpetèntzia de s’autore in su mundu de sa connoschèntzia antropològica e linguìstica de sa natzione sua, sa natzione sarda. S’autore impitat sa trassa de contare sos ammentos de sos sardos andende contra sa traditzione, cuntrastende s’oralidade. Antoni Setzu cheret iscrìere cussu chi l’ant contadu: iscòrriat sa traditzione orale e contat su contu de sos sardos: unu contu antigu chi moet dae sos primos abitadores de s’ìsula bènnidos dae s’Oriente e si serrat cun una data istòrica trista: su 1409 s’acabbu de sos giudicados e de sa libertade. Sa natura tenet unu ruolu de importu in intro de sa narratzione: personàgios mitològicos pòpulant s’ìsula, animales e òmines istant e gherrant pare a pare in su territòriu crispu de s’ìsula, chi est personificada che a unu èssere tìmidu e respetadu.

S’autore, pro mèdiu de sa boghe de Antoni Setzu, contat su contu de su pòpulu suo impitende unu ischema lìberu de su totu ammesturende mitos, paristòrias, beridades istòricas e datas reconnotas dae totus. Est unu manifestu de sa Sardigna chi connoschimus, de sa terra chi diamus chèrrere chi siat e de unu pòpulu chi tenet bisòngiu de s’istòria sua pro chircare de cumprèndere comente incuadrare a issu etotu in su benidore globalizadu.

M.B.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español