Italia Eventi 24
LinguaIT
Comintzadas sas tzelebratziones pro sos 150 annos dae sa nàschida de Gràtzia Deledda

Sa Sardigna, in ocasione de sos 150 annos dae sa nàschida de Gràtzia Deledda, at incarreradu chentu chimbanta addòbios in sos logos de s’iscritora. Dae Nùgoro, sa tzitade in ue est nàschida su 28 de cabudanni de su 1871, a Santu Predu, dae su Monte Ortobene a sa bidda de Garteddi. Una manera de importu pro ammentare a s’iscritora chi at bintu su Prèmiu Nobel su 10 de nadale de su 1927.

Sas tzelebratziones, comintzadas in su 2021, ant a sighire in su 2022, lompende fintzas a sa data de su 28 de cabudanni. A sos addòbios b’at a leare parte unu Comitadu de onore formadu dae sas autoridades prus de importu e unu Comitadu tècnicu-iscientìficu de intelletuales chi ant fatu sas chircas in contu de Gràtzia Deledda.

Pro custa ocasione su MISE (Ministeru de s’Isvilupu econòmicu) at bogadu su 27 de cabudanni de su 2021 unu francubullu de ammentu de Gràtzia Deledda, pro sos 150 annos dae sa nàschida, chi tenet comente a valore sa tarifa B, est a nàrrere € 1,10. In su francubullu b’est su retratu de Gràtzia Deledda, cun a suta sa firma autògrafa de s’iscritora sarda. Ant fatu fintzas una cartella filatèlica, de mannària A4 a tres faches, in ue b’est su francubullu, una cuartina de àteros francubullos, una cartolina annuddada e chi portat giai su francubullu e una bussa: totu custu si podet comporare a € 15,00.

Su francubullu l’at imprentadu in treghenta mìgia còpias s’Istitutu Poligràficu e Zeca de s’Istadu S.p.A., in rotocalcografia, in paperi biancu, patinadu nèutru, giai adesivu dae sese e non fluorescente. Sa brutacòpia l’at fata su Tzentru Filatèlicu de sa Diretzione Operadora de s’Istitutu Poligràficu e Zeca de s’Istadu S.p.A.

Pro como Deledda est s’ùnica iscritora italiana chi at otentu su Prèmiu Nobel pro sa Literadura. Unu càncaru in su sinu chi la turmentaiat giai dae unu pagheddu de tempus l’aiat ochida su 15 de austu de su 1936, agiomai deghe annos a pustis de àere retzidu su Nobel.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español