Italia Eventi 24
LinguaIT
Covid: 23 impestos noos ebbia in Sardigna

Dae nùmeros de zona ruja a nùmeros de zona bianca in sete chidas. Est su caminu de sa Sardigna chi, in s’ùrtimu agiornamentu de s’Unidade de crisi regionale, contat 23 impestos noos ebbia, unu resurtadu chi ammentat sos nùmeros de s’agabbu de su mese de austu de su 2020, cando sa de duas undadas galu non si fiat mustrada cun totu sa perigulosidade cosa sua.

In totu ant fatu 1.248.965 tampones, 4.884 in sas ùrtimas 24 oras, cun unu livellu de positividade de 0, 47%.

A pustis de nemmancu unu mortu de eris, oe però si contant àteros bator mortos (1.437 in totu), mentras sighit a calare su nùmeru de sos ricoverados: 250 in totu e, de custos, 211 in repartos non intensivos e 39 in terapia intensiva. Sas persones in isulamentu de seguresa in domo issoro sunt 13.991, mentres sos sanados sunt in totu 40.477 (+189).

In su territòriu, de sas 56.155 positividades iscobertas in totu, 14.667 (+5) nde sunt essidas a pìgiu in sa Tzitade Metropolitana de Casteddu, 8.531 (+2) in sa provìntzia de su Sud de Sardigna, 5.090 in provìntzia de Aristanis, 10.799 (+9) in provìntzia de Nùgoro, 17.053 (+10) in provìntzia de Tàtari. Cunforma a sos datos bogados dae s’Unidade de crisi regionale oe, non si sunt iscobertas positividades noas in provìntzia de Aristanis, in ue si contant tres impestos in mancu pro more de un’alliniamentu nou de sos datos.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español