Italia Eventi 24
LinguaIT
Creschet s’ìndighe de impestu: sa Sardigna candidada a sa zona ruja dae lunis

Novas malas pro sa Sardigna, chi dae lunis 12 de abrile si diat pòdere agatare in zona ruja. Comente s’ischit, dae cando ant istabilèssidu sos colores noos de sas regiones, sa mudadura de colore dipendet pro su prus dae su valore de s’ìndighe de impestu R(t) chi in custa ùrtima chida, fintzas pro more de comunes meda chi ant apostivigadu giai sa zona ruja, nch’est pigadu prus a subra de sa làcana de 1,25. Cun Rt de 1 s’intrat in zona in colore de arantzu, cun Rt de 1,25 s’intrat in zona ruja.

Comente ònnia chenàbura, amus a connòschere sos datos beros de su monitoràgiu fatu ònnia chida chi istabilesset sos colores noos de sas regiones. Ma pro como tenimus novas partziales e no ufitziales ebbia.

Cun sa zona ruja amus a àere, si cumprendet, istorbos e proibimentos prus crispos. Nde ammentamus unos cantos: ant a èssere proibidas sas bìsitas a parentes e amigos e no at a èssere permìtida transidura peruna francu pro chistiones de traballu, de apretu o de salude. At a sighire su proibimentu de essire dae sas deghe de note a sas 5 de mangianu.

Sunt suspèndidas is atividades de cummèrtziu a minudu, francu pro is atividades de bèndida de gèneres alimentares e de prima netzessidade, siat in sas butegas de su bighinadu siat in sos tzentros cummertziales mannos.

Sos mercados, cale si siat atividade bi siat, sunt serrados, francu is atividades de bèndida de gèneres alimentares, prodùsidos de sa laurera e florovivaìsticos.

Abarrant abertas sas edìcolas, sos istancos, sas potecarias e sas parapotecarias. Serrados fintzas sos barberis, sos parrucheris e sos tzentros de estètica.

Serrados sos tzilleris e sos ristorantes. Est permìtida sa cunsìnnia a domo e fintzas a sas deghe de note si nche podent leare a domo sos màndigos e sa cosa de bufare. Est proibidu a si firmare pro papare/bufare siat in sos locales siat acanta de sos locales.

At a tocare, comente si siat, a abetare a custu sero pro connòschere ite at a detzìdere Roma in contu de su colore de assignare a sa Sardigna, cun totu su chi nde cunsighit.

SardegnaEventi24.it

1676 eventi pubblicati

479 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español